android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Himatnagar: હિંમતનગર તાલુકામાં એક જ રાતમાં ચાર ગામોમાંથી વાહન, મંદિરમાંથી ચોરી થઈ
calendar_today June 11, 2026

Himatnagar: હિંમતનગર તાલુકામાં એક જ રાતમાં ચાર ગામોમાંથી વાહન, મંદિરમાંથી ચોરી થઈ

સાબરકાંઠા જિલ્લામાં પોલીસ તંત્ર કાયદો અને વ્યવસ્થાની ભલે ગુલબાંગ પોકારી રહ્યું છે ત્યારે હિંમતનગર સહિત સમગ્ર જિલ્લામાં વારંવાર વાહન ચોરી ઘરફોડ તથા મંદિરોમાં થતી ચોરીની ફરિયાદ સ્થાનિક પોલીસ સ્ટેશનમાં નોંધાઈ ચુકી છે ત્યારે મંગળવારે રાત્રે તસ્કરોએ પોલીસને પડકાર ફેંકયો હોય તેમ હિંમતનગર તાલુકાના ચાર ગામમાં એક જ રાતમાં ચાેરીને અંજામ આપ્યો છે જે ઘટના ગણુ બધુ કહી જાય છે. સૂત્રોમાંથી મળતી માહિતી મુજબ, હિંમતનગર તાલુકા માંકડી, ગાંધીપુરા કંપા, મોતીપુરા અને ખાપરેટા ગામમાં ચોરી થયાની ઘટના પ્રકાશમાં આવી છે ત્યારે અજાણ્યા શખ્સો માંકડી અને ગાંધીપુરા કંપામાંથી બાઈકની ચોરી કરી લઈ ગયા છે જે અંગે બુધવારે સવારે ખબર પડી હતી. આ ઉપરાંત અજાણ્યા શખ્સોએ મોતીપુરા તથા ખાપરેટા ગામમાં આવેલ મંદિરમાં પણ ચોરીના ઈરાદે પ્રવેશ કરી અજાણયા શખ્સો કેટલીક ચીજવસ્તુઓ લઈ ગયા છે જોકે બાઈક લઈને જતા શખ્સો સીસીટીવી કેમેરામાં કેદ થઈ ચુકયા છે. જે અંગે હવે સંલગ્ન પોલીસ સ્ટેશનના અધિકારીઓ સીસીટીવી ફુટેજને આધારે ગુનો નોંધી વધુ તપાસ કરશે. ઉલ્લેખનીય છે કે, અઠવાડીયા અગાઉ હિંમતનગરમાં લાખો રૂપિયાની બે ચોરીની ઘટનાઓ નોંધાઈ ચુકી છે જેથી હવે પોલીસ તંત્ર પ્રજાના જાન માલની રક્ષા કરવા માટે જરૂર પડે રાત્રે પેટ્રોલીંગ વધારે તેવું પ્રજા ઈચ્છી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dahod: મોટી બાંડીબાર ગામે વૃક્ષારોપણ કાર્યક્રમ યોજાયો
calendar_today June 11, 2026

Dahod: મોટી બાંડીબાર ગામે વૃક્ષારોપણ કાર્યક્રમ યોજાયો

બાંડીબાર : વડાપ્રધાન નરેન્દ્રભાઈ મોદીના રાષ્ટ્રવ્યાપી આહવાન એક પેડ મા કે નામ અભિયાન અંતર્ગત લીમખેડા તાલુકાના મોટી બાંડીબાર ગામે આવેલી આશ્રામશાળા ખાતે વૃક્ષારોપણ કાર્યક્રમ યોજાયો હતો. જેમાં સાંસદ જસવંતસિંહ ભાભોર મુખ્ય અતિથિ તરીકે ઉપસ્થિત રહ્યા હતા. તેમની સાથે લીમખેડા તાલુકા પંચાયત પ્રમુખ નરવતભાઈ ડાંગી, તાલુકા જિલ્લા પંચાયત સભ્ય સ્થાનિક સરપંચો અને ભાજપ સંગઠનના હોદ્દેદારો જોડાયા હતા. કાર્યક્રમ દરમિયાન સાંસદ અને અન્ય મહાનુભાવોના હસ્તે વૃક્ષારોપણ કરાયું હતું. ઉપસ્થિત ગ્રામજનો અને કાર્યકરોએ પર્યાવરણના રક્ષણ માટે વધુ વૃક્ષો વાવવાનો દ્રઢ સંકલ્પ કર્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dahod: લીમખેડા ખાતે સ્વચ્છતા સહિતના વિવિધ વિકાસ કાર્યક્રમો યોજાયા
calendar_today June 11, 2026

Dahod: લીમખેડા ખાતે સ્વચ્છતા સહિતના વિવિધ વિકાસ કાર્યક્રમો યોજાયા

વડાપ્રધાન નરેન્દ્ર મોદીના નેતૃત્વ હેઠળની કેન્દ્ર સરકારના અવિરત 12 વર્ષ પૂર્ણ થવાના અવસરે દેશભરમાં વિશ્વાસ, વિકાસ અને જનકલ્યાણ કાર્યક્રમો યોજાઈ રહ્યા છે, જે અંતર્ગત દાહોદના સાંસદ જશવંતસિંહ ભાભોરની ઉપસ્થિતિમાં લીમખેડા ખાતે વિવિધ કાર્યક્રમો યોજાયા હતા.કાર્યક્રમની શરૂઆત વહેલી સવારે ભમરેચી માતાના દર્શનથી કરાઈ હતી. ત્યારબાદ સિંગવડ ખાતે નવીન મામલતદાર કચેરી, તાલુકા પંચાયત કચેરી તેમજ મોડેલ શાળા છાપરવડ ખાતે વૃક્ષારોપણ કાર્યક્રમ યોજાયો હતો. બાંડીબાર આશ્રામશાળામાં પણ વિવિધ કાર્યક્રમોનું યોજાયા હતાં. જે બાદ લીમખેડા ખાતે માર્કેટયાર્ડ રોડ પર સ્વચ્છતા અભિયાન - 60 મિનિટ અંતર્ગત સ્વચ્છતા કાર્યક્રમ યોજાયો હતો, કાર્યક્રમ દરમિયાન સમાજના પ્રતિષ્ઠિત વ્યક્તિઓનો સંપર્ક કરી તેમનું સન્માન પણ કરાયું હતું. આ પ્રસંગે ધનાભાઈ ભરવાડને શાલ ઓઢાડી સન્માનિત કરાયા હતા. આ ઉપરાંત પૂ.ગોવિંદદાસ સાહેબ (પાલ્લા) અને પૂ.વિવેકદાસ સાહેબ (અગારા) સાથે મુલાકાત કરી શાલ પહેરાવી શુભેચ્છા પાઠવી હતી. જે બાદ સાંસદે પાલ્લી ગામની મોડેલ સ્કૂલની મુલાકાત લઈ કામગીરીની સમીક્ષા કરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward