android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Surat To Somnath ડાયરેક્ટ વોલ્વો બસ સેવા શરૂ, જાણો ભાડું અને સમય પત્રક
calendar_today May 29, 2026

Surat To Somnath ડાયરેક્ટ વોલ્વો બસ સેવા શરૂ, જાણો ભાડું અને સમય પત્રક

સુરત અને દક્ષિણ ગુજરાતમાંથી પ્રથમ જ્યોતિર્લિંગ એવા ભગવાન સોમનાથ મહાદેવના દર્શનાર્થે જતા શ્રદ્ધાળુઓ અને પ્રવાસીઓ માટે રાજ્ય સરકાર દ્વારા એક ખુશખબર સામે આવ્યા છે. એસ.ટી. નિગમ (GSRTC) દ્વારા સુરતથી સોમનાથ માટે ડાયરેક્ટ પ્રિમિયમ વોલ્વો બસ સેવાનો ભવ્ય પ્રારંભ કરવામાં આવ્યો છે. આ નવી સુવિધાથી યાત્રાળુઓને હવે કોઈપણ જાતની હાલાકી વગર સીધી જ સોમનાથની કનેક્ટિવિટી મળી રહેશે.ધારાસભ્ય પૂર્ણેશ મોદીએ આપી લીલી ઝંડી સુરતના અડાજણ સ્થિત અત્યાધુનિક બસ ડેપો ખાતેથી આ પ્રિમિયમ વોલ્વો બસ સેવાનું ઉદ્ઘાટન કરવામાં આવ્યું હતું. સુરત પશ્ચિમ વિધાનસભા બેઠકના ધારાસભ્ય અને પૂર્વ કેબિનેટ મંત્રી પૂર્ણેશ મોદીના હસ્તે આ હાઈટેક બસને લીલી ઝંડી આપીને પ્રસ્થાન કરાવવામાં આવ્યું હતું. આ પ્રસંગે એસટી નિગમના ઉચ્ચ અધિકારીઓ અને સ્થાનિક અગ્રણીઓ મોટી સંખ્યામાં ઉપસ્થિત રહ્યા હતા. માત્ર 12 કલાકમાં સફર પૂરી થશે, જાણો સમય અને ભાડું આ લક્ઝુરિયસ વોલ્વો બસ સેવાની ખાસિયત એ છે કે, તે મુસાફરોને અત્યંત આરામદાયક સફરનો અનુભવ કરાવશે. સમય પત્રક: આ બસ દરરોજ સવારે 8:00 વાગ્યે સુરતના અડાજણ ડેપોથી ઉપડશે અને બરાબર 12 કલાકની સફર ખેડીને રાત્રે 8:00 વાગ્યે સોમનાથ પહોંચાડશે. ટિકિટ દર: સુરતના નાગરિકો આ પ્રિમિયમ અને આરામદાયક મુસાફરીનો લાભ માત્ર રૂપિયા 1880 ના ભાડામાં લઈ શકશે. યાત્રાળુઓમાં ખુશીનો માહોલ સોમનાથ વિશ્વ પ્રસિદ્ધ ધાર્મિક અને પર્યટન સ્થળ હોવાથી સુરતથી દરરોજ હજારો લોકો ત્યાં જતા હોય છે. અત્યાર સુધી ટ્રેન અથવા પ્રાઇવેટ વાહનો પર નિર્ભર રહેવું પડતું હતું, પરંતુ સરકારી વોલ્વો સુવિધા શરૂ થતાં પ્રવાસીઓ ખાસ કરીને સિનિયર સિટિઝનો અને પરિવારોમાં ભારે આનંદની લાગણી જોવા મળી રહી છે. મુસાફરો આ બસનું બુકિંગ ઓનલાઇન એપ્લિકેશન કે ડેપો પરથી કરાવી શકશે. આ પણ વાંચો - Surat News: પત્નીના ત્રાસથી કંટાળીને પતિએ કલેક્ટર પાસે કરી ઈચ્છામૃત્યુની માગ

Read Full Story arrow_forward
Rajkotથી લંડન વાયા બાઇક! અશક્યને શક્ય કરવા નીકળ્યા 2 યુવાનો
calendar_today May 29, 2026

Rajkotથી લંડન વાયા બાઇક! અશક્યને શક્ય કરવા નીકળ્યા 2 યુવાનો

રંગીલું અને સાહસિકોનું શહેર ગણાતા રાજકોટના બે યુવાનોએ એક એવું સાહસ ખેડવાનું નક્કી કર્યું છે, જે સાંભળીને જ કોઈપણ રોમાંચિત થઈ જાય. રાજકોટના બે જાંબાઝ બાઇક રાઇડર્સ પોતાના બુલેટ/બાઇક પર સવાર થઈને સીધા લંડન (UK) જવા માટે રવાના થયા છે. આ અદભુત અને પડકારજનક પ્રવાસને લઈને અત્યારે સમગ્ર રાજકોટ જ નહીં પરંતુ પૂરા ગુજરાતમાં ભારે ઉત્સાહનો માહોલ જોવા મળી રહ્યો છે.49 દિવસની લાંબી સફર, 17 દેશોનો પ્રવાસ રાજકોટના વતની જીવાભાઈ પરમાર અને અહમદ ચાવડા નામના આ બંને રાઇડર્સ બાઇક દ્વારા લંડન સુધી પહોંચશે. આ કોઈ સામાન્ય પ્રવાસ નથી, તેઓ સતત 49 દિવસ સુધી બાઇક સવારી કરશે અને એશિયાથી લઈને યુરોપ ખંડ સુધીના કુલ 17 દેશો પાર કરીને યુનાઇટેડ કિંગડમની ધરતી પર પગ મૂકશે. આ લાંબી સફર દરમિયાન તેઓ ભારતથી નીકળીને નેપાળ, તિબેટ, ચાઇના, કઝાકિસ્તાન, રશિયા, જ્યોર્જિયા, ટર્કી, બેલગ્રેડ, બુડાપેસ્ટ, ચેક રિપબ્લિક, વિયેના, જર્મની, સ્વિડ્ઝર્લેન્ડ, સ્પેન, પોર્ટુગલ અને ફ્રાન્સ જેવા વૈવિધ્યસભર દેશોના રસ્તાઓ ખૂંદતા ખૂંદતા લંડન પહોંચશે. યાત્રા પાછળનો ઉમદા હેતુ: ‘સેવ બેટરી અને સેવ સોઇલ’ આ યાત્રા માત્ર શોખ કે રોમાંચ માટે નથી, પરંતુ તેની પાછળ એક ખૂબ જ મોટો સામાજિક અને વૈશ્વિક હેતુ છુપાયેલો છે. આ બંને યુવાનો પોતાની સફર દરમિયાન આંતરરાષ્ટ્રીય સ્તરે પર્યાવરણની જાળવણી માટે ‘સેવ ધી બેટરી’ અને જમીનની ફળદ્રુપતા બચાવવા માટે ‘સેવ સોઇલ’નો ઉમદા સંદેશો ફેલાવશે. ગ્લોબલ વોર્મિંગ અને ક્લાઇમેટ ચેન્જના આ યુગમાં પૃથ્વી અને પ્રકૃતિને બચાવવાનો આ તેમનો અનોખો પ્રયાસ છે. શહેરીજનો દ્વારા ભવ્ય વિદાય આ અશક્ય લાગતા મિશન પર નીકળેલા જીવાભાઈ અને અહમદને રાજકોટના સ્નેહીજનો, મિત્રો અને સાથી બાઇકર્સ દ્વારા ખૂબ જ ઉત્સાહભેર લીલી ઝંડી આપીને પ્રસ્થાન કરાવવામાં આવ્યું હતું. વડીલોએ તેમને આ કપરી સફર માટે આશીર્વાદ આપ્યા હતા. ટ્રાફિક, બદલાતા હવામાન અને ભૌગોલિક પડકારો વચ્ચે ભારતનું નામ વૈશ્વિક સ્તરે રોશન કરવા નીકળેલા આ બંને યુવાનોના જુસ્સાને આખું ગુજરાત સલામ કરી રહ્યું છે. આ પણ વાંચો - Rajkot : જસદણના વડોદ ગામે ડિમોલેશનની કામગીરી શરૂ થતાં જ યુવકે પીધું ફીનાઇલ, મચી ચકચાર

Read Full Story arrow_forward
Vav-Tharad News: દિયોદર કોર્ટે આડા સંબંધના વહેમમાં યુવકની હત્યા કરનાર આરોપીઓને ફટકારી આજીવન કેદની સજા
calendar_today May 29, 2026

Vav-Tharad News: દિયોદર કોર્ટે આડા સંબંધના વહેમમાં યુવકની હત્યા કરનાર આરોપીઓને ફટકારી આજીવન કેદની સજા

બનાસકાંઠા જિલ્લાની દિયોદર એડિશનલ સેશન્સ કોર્ટે વર્ષ 2023માં થયેલા એક ચકચારી હત્યા કેસમાં ઐતિહાસિક અને મહત્વનો ચુકાદો સંભળાવ્યો છે. પત્ની સાથે આડા સંબંધના વહેમમાં એક યુવકની કરપીણ હત્યા કરવાના ગુનામાં અદાલતે ભાભર તાલુકાના મોતીસરી ગામના ચાર નરાધમોને કસૂરવાર ઠેરવીને આજીવન કેદની સખત સજા ફટકારી છે. કોર્ટના આ કડક વલણથી ગુનેગારોમાં ફફડાટ વ્યાપી ગયો છે.2023માં વહેમ રાખીને કરી હતી યુવકની કરપીણ હત્યા આ ચકચારી કેસની વિગતો મુજબ વર્ષ 2023માં ભાભરના મોતીસરી ગામે આડા સંબંધની આશંકામાં એક યુવાનની ઘાતકી હત્યા કરવામાં આવી હતી. આ ગુનામાં પોલીસે મોતીસરી ગામના ચાર શખ્સો સામે ગુનો નોંધી તેમની ધરપકડ કરી હતી. વાવ-થરાદ અને દિયોદર પંથકમાં ભારે ચર્ચા જગાવનારા આ મર્ડર કેસનો ખટલો દિયોદર એડિશનલ સેશન્સ કોર્ટમાં ચાલી જતાં તમામ પુરાવા અને સાક્ષીઓની તપાસ બાદ આજે અંતિમ નિર્ણય લેવાયો હતો.કોર્ટે સરકારી વકીલની દલીલો ગ્રાહ્ય રાખી અદાલતમાં સુનાવણી દરમિયાન સરકારી વકીલ ડી. વી. ઠાકોરે ગુનાની ગંભીરતા અને કાયદાકીય પાસાઓ રજૂ કરીને ધારદાર દલીલો કરી હતી, જેને કોર્ટે સંપૂર્ણપણે માન્ય રાખી હતી. અદાલતે મુખ્ય આરોપી વીરચંદ ઠાકોર, દશરથ ઠાકોર, ચંદુજી ઠાકોર અને રણછોડ ઠાકોરને હત્યાના ગુનામાં દોષિત જાહેર કરી આજીવન કેદની સજાનો હુકમ કર્યો છે. ન્યાયિક પ્રક્રિયાના અંતે પીડિત પરિવારને આખરે યોગ્ય ન્યાય મળ્યો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward