android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Junagadh News: કેશોદમાં ટ્રકમાંથી ટાયર અને ડીઝલની ચોરી કરનારા બે ઝડપાયા
calendar_today May 29, 2026

Junagadh News: કેશોદમાં ટ્રકમાંથી ટાયર અને ડીઝલની ચોરી કરનારા બે ઝડપાયા

જૂનાગઢ જિલ્લાના કેશોદ પંથકમાંથી વાહનચોરો અને માલસામાનની ચોરી કરતી ટોળકીઓ સક્રિય થઈ હોવાના અહેવાલો વચ્ચે કેશોદ પોલીસે એક મોટી સફળતા મેળવી છે. હાઈવે પર પાર્ક કરેલી એક ટ્રકમાંથી કિંમતી ટાયરો અને ડીઝલની ચોરી કરનાર ગેંગના બે સાગરીતોને પોલીસે મુદ્દામાલ સાથે દબોચી લીધા છે.રૂ. 1.69 લાખના મુદ્દામાલની ચોરી ઘટનાની મળતી માહિતી અનુસાર, કેશોદ પોલીસ મથક વિસ્તારમાં એક ટ્રકમાંથી અજાણ્યા શખ્સો દ્વારા મોટી માત્રામાં ડીઝલ અને ગાડીના મોંઘા ટાયરોની ચોરી કરવામાં આવી હોવાની ફરિયાદ નોંધાઈ હતી. ચોરી થયેલા કુલ મુદ્દામાલની કિંમત આશરે રૂપિયા 1.69 લાખ જેટલી હોવાનું સામે આવ્યું હતું. આ મામલાની ગંભીરતાને ધ્યાને રાખીને કેશોદ પોલીસે ટેકનિકલ સોર્સ અને હ્યુમન ઇન્ટેલિજન્સના આધારે તપાસના ચક્રો ગતિમાન કર્યા હતા. બે આરોપીઓ જેલના સળિયા પાછળ, મુખ્ય સૂત્રધાર ડ્રાઇવર ફરાર પોલીસે આ ચોરીના ગુનામાં સંડોવાયેલા બે સ્થાનિક શખ્સોને ઝડપી પાડ્યા છે અને તેમની પાસેથી ચોરીનો મુદ્દામાલ રિકવર કરવાની પ્રક્રિયા હાથ ધરી છે. જોકે, આ સમગ્ર ચોરીના કાવતરામાં જેની મુખ્ય ભૂમિકા હોવાનું મનાય છે, તે ટ્રકનો ડ્રાઈવર પોલીસને ચકમો આપીને ફરાર થઈ જવામાં સફળ રહ્યો છે. 'ઘરના ભેદીએ જ લંકા ઢાયે' હોય તેમ ડ્રાઇવરે જ અન્ય શખ્સો સાથે મળીને આ ચોરીનો પ્લાન ઘડ્યો હોવાની આશંકા સેવાઈ રહી છે. પોલીસની તપાસ તેજ કેશોદ પોલીસના જણાવ્યા અનુસાર, પકડાયેલા બંને આરોપીઓની સઘન પૂછપરછ કરવામાં આવી રહી છે, જેથી આ ગેંગ દ્વારા ભૂતકાળમાં અન્ય કોઈ ચોરીના ગુના આચરવામાં આવ્યા છે કે, કેમ તેની વિગતો જાણી શકાય. આ સાથે જ ફરાર ટ્રક ડ્રાઈવરને ઝડપી પાડવા માટે અલગ-અલગ ટીમો બનાવીને તેના સંભવિત આશ્રયસ્થાનો પર રેડ કરવામાં આવી રહી છે. આ પણ વાંચો - Junagadh News : 17 સિંહને તાબડતોબ આઇસોલેટ કરાયા, 3થી 4 દિવસમાં સિંહના મોતનો રિપોર્ટ આવશે

Read Full Story arrow_forward
Vadodara : દાંડિયા બજારમાં કેટરર્સ બાબુ ચૌહાણની કરપીણ હત્યામાં પૂર્વ ક્રિકેટર જેકોબ માર્ટિનના રોલની તપાસ
calendar_today May 29, 2026

Vadodara : દાંડિયા બજારમાં કેટરર્સ બાબુ ચૌહાણની કરપીણ હત્યામાં પૂર્વ ક્રિકેટર જેકોબ માર્ટિનના રોલની તપાસ

વડોદરાના દાંડિયા બજાર વિસ્તારમાં કેટરિંગના વ્યવસાય સાથે સંકળાયેલા જાણીતા વ્યવસાયી બાબુ ચૌહાણની ઘાતકી હત્યા કરાતા સમગ્ર શહેરમાં ચકચાર મચી ગઈ છે. વ્યવસાયિક હરીફાઈ અને અંદરોઅંદરની હૂસાતુસીના કારણે આ લોહિયાળ ખેલ ખેલાયો હોવાની આશંકા છે. આ મામલે વડોદરા પોલીસે ગણતરીના કલાકોમાં જ મુખ્ય આરોપી હિરેન ઠક્કરની ધરપકડ કરી લીધી છે. આ હાઈપ્રોફાઈલ મર્ડર કેસ અંગે ડીસીપી (DCP) મંજિતા વણઝારાએ પત્રકાર પરિષદ યોજીને સત્તાવાર વિગતો આપી હતી.બાબુ ચૌહાણ પર એક પછી ઘા ઝીંકી દીધા પોલીસના જણાવ્યા અનુસાર, મૃતક બાબુ ચૌહાણ અને આરોપી હિરેન ઠક્કર બંને કેટરિંગના વ્યવસાય સાથે સંકળાયેલા હતા અને એકબીજાને સારી રીતે ઓળખતા હતા. ઘટનાની રાત્રે બાબુ ચૌહાણ પોતાના ઘરે આવ્યા બાદ તેમણે હિરેન ઠક્કરને ફોન કર્યો હતો અને ત્યારબાદ તેઓ હિરેનના ઘરે પહોંચ્યા હતા. ત્યાં બંને વચ્ચે ઉગ્ર બોલાચાલી થતાં મામલો બિચક્યો હતો. આવેશમાં આવીને હિરેન ઠક્કરે કેટરિંગના વ્યવસાયમાં વપરાતા તીક્ષ્ણ ચપ્પુ વડે બાબુ ચૌહાણ પર એકપછી ઘા ઝીંકી દીધા હતા. કાર રસ્તા વીજ પોલ સાથે ધડાકાભેર અથડાઈ ગંભીર રીતે ઘવાયેલા બાબુ ચૌહાણ પોતાનો જીવ બચાવવા ત્યાંથી ભાગ્યા હતા અને પોતાની કાર લઈને ઘર તરફ રવાના થયા હતા. જોકે, હુમલાના કારણે શરીરમાંથી અતિશય લોહી વહી જવાને લીધે કાર ચલાવતી વખતે જ તેઓ ભાન ગુમાવી બેઠા હતા, જેના કારણે તેમની કાર રસ્તા પર એક વીજ પોલ સાથે ધડાકાભેર અથડાઈ હતી અને તેમનું કમકમાટીભર્યું મોત નીપજ્યું હતું. જેકોબ માર્ટિનના રોલ અંગે પણ તપાસ મૃતક બાબુ ચૌહાણની પત્નીની ફરિયાદના આધારે પોલીસે હત્યાનો ગુનો નોંધી આરોપી હિરેનની ધરપકડ કરી છે અને ઘટનાસ્થળેથી હત્યામાં વપરાયેલું ચપ્પુ પણ કબજે કર્યું છે. આ કેસમાં પૂર્વ ભારતીય ક્રિકેટર જેકોબ માર્ટિનના રોલ અંગે પણ ચર્ચાઓ જાગી છે. આ અંગે ડીસીપી મંજિતા વણઝારાએ જણાવ્યું કે, પોલીસ પૂર્વ ક્રિકેટર જેકોબ માર્ટિનની ભૂમિકા અંગે ઊંડાણપૂર્વક તપાસ કરી રહી છે, જોકે હજુ સુધી તેમની હાજરી કે સંડોવણીના કોઈ મજબૂત પુરાવા હાથ લાગ્યા નથી.આ પણ વાંચો----     Iscon Bridge Accident : તથ્યને 90 વર્ષની સજા થવી જોઈએ, છલકાયું પીડિતનું દર્દ, વાંચો સંદેશ ડીજીટલ Exclusive

Read Full Story arrow_forward
NEET વિવાદ : “લાખો વિદ્યાર્થીઓની મહેનત પર પાણી કેમ?” સુપ્રીમ કોર્ટે NTA ને ખખડાવ્યું, PM મોદી રાખી રહ્યા છે નજર
calendar_today May 29, 2026

NEET વિવાદ : “લાખો વિદ્યાર્થીઓની મહેનત પર પાણી કેમ?” સુપ્રીમ કોર્ટે NTA ને ખખડાવ્યું, PM મોદી રાખી રહ્યા છે નજર

દેશની સૌથી મોટી મેડિકલ પ્રવેશ પરીક્ષા ‘નીટ’ (NEET) ને લઈને ફરી એકવાર મોટો વિવાદ ઊભો થયો છે. શુક્રવારે સુપ્રીમ કોર્ટમાં થયેલી સુનાવણી દરમિયાન અદાલતે રાષ્ટ્રીય પરીક્ષા એજન્સી (NTA) પર ગંભીર સવાલો ઉઠાવ્યા હતા. કોર્ટે સાફ શબ્દોમાં જણાવ્યું કે, લાખો વિદ્યાર્થીઓ વર્ષો સુધી તનતોડ મહેનત કરે છે, પોતાનો સમય અને પૈસા બરબાદ કરે છે. આવા સમયે જો દર વર્ષે પરીક્ષાની વિશ્વસનીયતા પર સવાલો ઊઠશે, તો આ સમગ્ર સિસ્ટમ પર મોટો ડાઘ છે. આ મામલે કેન્દ્ર સરકારે કોર્ટને ખાતરી આપી છે કે વડાપ્રધાન નરેન્દ્ર મોદી પોતે આ આખી બાબત પર કડક નજર રાખી રહ્યા છે. સ્વતંત્ર સંસ્થા બનાવવામાં આવે બીજી તરફ, ‘ફાઈમા’ (FAIMA) અને ‘યુનાઇટેડ ડૉક્ટર્સ ફ્રન્ટ’ (UDF) દ્વારા સુપ્રીમ કોર્ટમાં અરજી દાખલ કરીને NTA ને જ નાબૂદ કરવાની અથવા તેના માળખામાં મોટો ફેરફાર કરવાની માંગ કરવામાં આવી છે. અરજીમાં જણાવાયું છે કે ભવિષ્યમાં મેડિકલ પરીક્ષાઓ લેવા માટે સુપ્રીમ કોર્ટની દેખરેખ હેઠળ એક સ્વતંત્ર સંસ્થા બનાવવામાં આવે.  વારંવાર પેપર લીક અને ગેરરીતિઓ કેમ થઈ રહી છે? સુનાવણી દરમિયાન સુપ્રીમ કોર્ટે NTA અને પૂર્વ ઇસરો પ્રમુખ ડૉ. કે. રાધાકૃષ્ણનને સીધો સવાલ કર્યો હતો કે, “તમે સુરક્ષિત વ્યવસ્થા બનાવવાની વાત કરી હતી, તો પછી વારંવાર પેપર લીક અને ગેરરીતિઓ કેમ થઈ રહી છે?” એવું લાગે છે કે સમિતિની ભલામણો નિષ્ફળ ગઈ છે. ડૉ. રાધાકૃષ્ણનને કોર્ટને જણાવ્યું કે 2024માં બનેલી સમિતિએ આશરે 35 લાંબા ગાળાના અને 60 ટૂંકા ગાળાના સુધારાઓ સૂચવ્યા હતા, જેમાંથી મોટાભાગના લાગુ કરી દેવાયા છે. જોકે, કોર્ટ આ જવાબથી સંતુષ્ટ થઈ નહોતી. જવાબદાર કોણ છે તે નક્કી થવું જોઈએ સુપ્રીમ કોર્ટે સૌથી વધુ ભાર જવાબદારી નક્કી કરવા પર મૂક્યો હતો. અદાલતે આકરા શબ્દોમાં કહ્યું કે, “સિસ્ટમની ખામીઓ પાછળ જવાબદાર કોણ છે તે નક્કી થવું જોઈએ. કોઈના ખભા પર જવાબદારી નક્કી કરો અને અમને જણાવો કે અસલી જવાબદાર વ્યક્તિ કોણ છે.”આ પણ વાંચો----    Iscon Bridge Accident : તથ્યને 90 વર્ષની સજા થવી જોઈએ, છલકાયું પીડિતનું દર્દ, વાંચો સંદેશ ડીજીટલ Exclusive

Read Full Story arrow_forward