android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Vadodara: વાઘોડિયાની ધીરજ હૉસ્પિ. ખાતે વિશ્વ ઇમરજન્સી દિવસની ઉજવણી
calendar_today May 28, 2026

Vadodara: વાઘોડિયાની ધીરજ હૉસ્પિ. ખાતે વિશ્વ ઇમરજન્સી દિવસની ઉજવણી

વાઘોડિયા : વાઘોડિયા ના પીપળીયા ગામ નજીક આવેલ ધીરજ હોસ્પિટલ દ્વારા વિશ્વ ઇમરજન્સી દિવસની ઉજવણી નિમિત્તે જનજાગૃતિ અને જીવન બચાવવાના હેતુસર સી પીઆર ટ્રેનિંગ કાર્યક્રમ યોજાયો હતો. જે અંતર્ગત એક સાથે 23 અલગ અલગ સ્થળોએ ટ્રેનિંગ કાર્યક્રમ યોજાયો હતો, જેમાં 3800 થી વધુ લોકોને સીપીઆર આપવાની પ્રાથમિક અને મહત્વપૂર્ણ તાલીમ અપાઈ હતી. આ કાર્યક્રમનો મુખ્ય હતુ હાર્ટ એટેક અથવા અચાનક બેભાન થવાની પરિસ્થિતિ માં સામાન્ય વ્યક્તિ પણ તાત્કાલિક પ્રાથમિક સારવાર આપી દર્દીનું જીવન બચાવવા અને તે માટે લોકોમાં જાગૃતિ લાવવાનો હતો. જેમાં હોસ્પિટલના ડોક્ટરો,નર્સિંગ સ્ટાફ્ તથા ઇમરજન્સી ટીમ દ્વારા હાજર લોકોને સીપીઆર કેવી રીતે આપવું અને ઈમરજન્સી સમય શું કરવું તે વિશે સમજણ અપાઈ હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dabhoi: ડભોઇ રેલવે સ્ટેશનનો મુખ્ય ગેટ ડેન્જર ઝોન બન્યો
calendar_today May 28, 2026

Dabhoi: ડભોઇ રેલવે સ્ટેશનનો મુખ્ય ગેટ ડેન્જર ઝોન બન્યો

ડભોઇ : ડભોઇ રેલવે સ્ટેશનના બહારના ભાગે બનાવેલો નવો મુખ્ય ગેટ હાલ વાહન ચાલકો અને મુસાફ્રો માટે આશીર્વાદને બદલે આફ્ત સમાન બન્યો છે. મુખ્ય ગેટની બિલકુલ બાજુમાં આવેલી ઊંચી દીવાલને કારણે સ્ટેશનમાંથી બહાર નીકળતા વાહનચાલકોને રોડની ડાબી કે જમણી બાજુથી આવતા અન્ય વાહનો બિલકુલ દેખાતા નથી. આ બ્લાઈન્ડ સ્પોટને કારણે અચાનક વાહનો સામસામે આવે છે. ગેટની આસપાસ કે મુખ્ય રોડ પર વાહનોની ગતિ ધીમી પાડવા માટે કોઈ સ્પીડ બ્રેકર મૂકાયા નથી. જેના કારણે વાહનો પૂરપાટ ઝડપે નીકળે છે. અને સ્ટેશનમાંથી બહાર નીકળતા વાહનો સાથે ભટકાય છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Vadodara: કંબોલા,લાકોદરા અને વડવાના એપ્રોચ રોડ ઉપર બાવળનું સામ્રાજ્ય
calendar_today May 28, 2026

Vadodara: કંબોલા,લાકોદરા અને વડવાના એપ્રોચ રોડ ઉપર બાવળનું સામ્રાજ્ય

કરજણ તાલુકાના મિંયાગામ ખાતે ગામને વિવિધ ગામો સાથે જોડતા એપ્રોચ રોડ ઉપર ગાંડા બાવળનું સામ્રાજ્ય છવાતાં રોડ ઉપરથી અવરજવર કરતા રાહદારીઓને મુશ્કેલીઓનો સામનો કરવાનો વારો આવ્યો છે.મિંયાગામને જોડતા લાકોદરા, વડવા અને કંબોલા ત્રણ રોડ આવેલા છે. જે એકબીજાના ગામોમાં અને ખેતરોમાં ખેતી કામ માટે જવા આવવા માટે સગવડતા રૂપ છે. ગત વર્ષે ચોમાસામાં રોડની સાઈડો ઉપર ગાંડા બાવળો ઊગી નીકળ્યા હતાં. જે હવે રોડ સુધી ફેલાતા રોડ ઉપરથી અવર જવર કરવું મુશ્કેલ થઈ રહ્યું છે. અડધા રોડ સુધી બાવળોની ડાળખીઓ ફેલાઈ આવી છે,જે રાહદારીઓ માટે મુશ્કેલીરૂપ બની રહી છે. ઉપરાંત અહીંથી પસાર થતાં નાના મોટા વાહનચાલકો માટે પણ મુશ્કેલી સર્જી રહી છે, નમી પડેલી ઝાડીઓના કારણે સામેથી આવતાં વાહનો જોવામાં મુશ્કેલી પડે છે.જેના કારણે અકસ્માતનો ભય પણ વધી રહ્યો છે. રાત્રી દરમિયાન આ સમસ્યા વધુ જોખમી બની જતી હોય છે. ગ્રામજનો દ્વારા તંત્રને અવાર નવાર ઝાડીઓ કટિંગ કરાવવા માટે રજુઆતો કરવા છતાં આજ દિન સુધી આ ગાંડા બાવળ દૂર કરાયા નથી. ત્યારે આગામી ચોમાસા પહેલા ઝાડીઓ દૂર કરવા માગ કરાઈ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward