android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Rajkot News: એરપોર્ટ પરથી ઉડાન ભરતી દિલ્હી અને મુંબઈની ફ્લાઇટ રદ
calendar_today May 26, 2026

Rajkot News: એરપોર્ટ પરથી ઉડાન ભરતી દિલ્હી અને મુંબઈની ફ્લાઇટ રદ

રાજકોટ ઇન્ટરનેશનલ એરપોર્ટ પર ફ્યુઅલની અછતના કારણે એર ઇન્ડિયાએ દિલ્હી અને મુંબઈની બે ફ્લાઈટ તાત્કાલિક બંધ કરવાનો નિર્ણય જાહેર કર્યો છે.1 જૂનથી 31 જુલાઈ સુધી સવારની દિલ્હી જતી અને સાંજની મુંબઈ જતી ફ્લાઈટ રદ રહેશે.જેના કારણે મુસાફરો, વેપારીઓ અને ઉદ્યોગકારોમાં ચિંતા ફેલાઈ છે. હાલ સમર શેડ્યૂલ મુજબ રાજકોટ એરપોર્ટ પરથી દૈનિક 14 ફ્લાઈટ સંચાલિત થઈ રહી છે. કુલ ફ્લાઈટ સંખ્યા 14થી ઘટીને 12 થઈ જશે રાજકોટથી મુંબઈ માટે 5, નવી મુંબઈ માટે 2, દિલ્હી માટે 4 તેમજ હૈદરાબાદ અને બેંગ્લોર માટે 1 ફ્લાઈટનો સમાવેશ થાય છે.ઉપરાંત પુણે માટે અઠવાડિયામાં ચાર દિવસ ફ્લાઈટ સેવા ઉપલબ્ધ છે.જોકે એર ઈન્ડિયાની બે ફ્લાઈટ બંધ થતાં કુલ ફ્લાઈટ સંખ્યા 14થી ઘટીને 12 થઈ જશે.આ મુદ્દે રાજકોટ ચેમ્બર ઓફ કોમર્સ એન્ડ ઈન્ડસ્ટ્રીના પ્રમુખ વી.પી.વૈષ્ણવે કેન્દ્રીય નાગરિક ઉડ્ડયન મંત્રી રામ મોહન નાયડુ તેમજ એર ઇન્ડિયા ચેરમેન સમક્ષ રજૂઆત કરી હતી. દિલ્હી અને મુંબઈ સાથેની હવાઈ કનેક્ટિવિટી જરૂરી તેમણે રજૂઆત કરતાં કહ્યું હતું કે, રાજકોટ-સૌરાષ્ટ્ર ઉદ્યોગ અને MSME ક્ષેત્રનું મહત્વનું કેન્દ્ર હોવાથી દિલ્હી અને મુંબઈ સાથેની હવાઈ કનેક્ટિવિટી અત્યંત જરૂરી છે. આ ફ્લાઈટોથી વેપારીઓ અને ઉદ્યોગકારો એક જ દિવસે પોતાની કામગીરી પૂર્ણ કરી પરત ફરી શકતા હતા.કેન્દ્ર સરકાર દ્વારા ATF ઉપર વેટમાં ઘટાડો કરાયા બાદ એરલાઈન્સને આર્થિક રાહત મળી હોવા છતાં ફ્લાઈટ બંધ કરવાનો નિર્ણય યોગ્ય નથી.તેથી બંને ફ્લાઈટ યથાવત રાખવા માંગ ઉઠાવવામાં આવી છે. આ પણ વાંચોઃ Gandhinagar News: CM ભૂપેન્દ્ર પટેલ બન્યા 'કોમનમેન', પરિવાર સાથે બરફના ગોળાની માણી લિજ્જત

Read Full Story arrow_forward
Bharuch: ભરૂચમાં ફૂડ ફ્રેન્ચાઇઝી માટે રૂા.26 લાખ ખંખેરનાર બે આરોપી પકડાયા
calendar_today May 26, 2026

Bharuch: ભરૂચમાં ફૂડ ફ્રેન્ચાઇઝી માટે રૂા.26 લાખ ખંખેરનાર બે આરોપી પકડાયા

ભરૂચ શહેરમાં બેરોજગાર યુવાનો સાથે છેતરપિંડીની ઘટના સામે આવી છે. ફુડ ફ્રેન્ચાઇઝીના નામે રૂા.26 લાખ જેવી મોટી રકમ ખંખેરીને સંચાલકો ફરાર થઇ જતા આ મામલે પોલીસ ફરિયાદ નોંધાઇ છે. પોલીસે આ કેસમાં એક મહિલા સહિત બે આરોપીની ધરપકડ કરી છે.ભરૂચ શહેરના ભારતીનગર 1માં રહેતાં આશિષ નેલસનકુમાર ક્રિશ્ચયન હાલ બેરોજગાર હોઈ કોઈ ધંધારોજગારની શોધમાં હતાં. દરમિયાનમાં તેમના એક મિત્ર દિપેન પટેલે તેમના મોબાઈલ સ્ટેટસમાં કુલ્ચા ક્રાફ્ટ અને વર્ધયાન કેફે ફ્રેન્ચાઈઝીની જાહેરાત મુકી હતી. જેથી તેણે તેમનો સંપર્ક કરતાં તેમણે તેને જણાવ્યું હતું કે, તેમના મિત્રની ફ્રેન્ચાઈઝી છે.અને તે આઉટલેટોનું વેચાણ પણ કરે છે. જેથી તેમને ફ્રેન્ચાઈઝી લેવાની ઈચ્છા વ્યક્ત કરતાં દિપેને તેના મિત્ર સૌરભરાવ હેમંતરાવ શેરે (રહે. ભારતી નગર) સાથે તેમનો સંપર્ક કરાવ્યો હતો. તેણે જણાવ્યું હતું કે, તેમની સ્પાઈસ સ્પીયર્સ નામની ફુડ કંપની છે. જેના ઓનર તરીકે તેમની પત્ની વૈભવી છે તેમજ તેમના ત્રીજા પાર્ટનર જૈમીન ડોંગરે છે. જે કંપનીના પ્રોડક્શન તેમજ લેબરનો વહિવટ સંભાળે છે.તેમની કંપની હેઠળ કુલ્ચા ક્રાફ્ટ તેમજ વર્ધયન કેફે નામની બે ફ્રેન્ચાઈઝીના આઉટલેટ આવે છે.જેમાં વર્ધયાન ફ્રેન્ચાઈઝી માટે 14 રૂપિયા થાય છે. જેમાં તમામ મટિરીયલ, લેબર, આઉટલેટનું ઈન્ટીરીયલ, વીજળીનું બીલ, દૂકાનનું ભાડું તેમજ તમામ મેનેજમેન્ટ કંપની કરશે. ફ્રેન્ચાઈઝીના આઉટેલનો જે ગ્રોસ પ્રોફિટ હશે તેના 20 ટકા કંપની આપશે અથવા તો દર મહિને 50 હજાર ફિક્સ રકમ આપશે.જેથી તેઓ તે લેવા માટે તૈયાર થયાં હતાં. બાદમાં તેમને આઉટલેટ માટે ભાડેથી દૂકાન શોધી આપવા સાથે રેન્ટ એગ્રીમેન્ટ સહિતની તમામ પ્રક્રિયા પૂર્ણ કરી હતી. દરમિયાનમાં સૌરભે તેની પાસે એડવાન્સ ભાડૂ ભરાવતાં તેની માતાના ખાતામાંથી 66 હજાર ભર્યાં હતાં.જે બાદ લેબરને પગાર ચુકવવાના સમયે સૌરભે તેમનું એકાઉન્ટ ફરીઝ થઈ ગયું હોઈ હમણાં તમે આપી દો પછી હું પરત આપી દઈશ તેમ કહી તેની પાસે 5 લાખ માંગતાં તેણે પોતાની સોનાની લકી વેચાણ કરી તેના આવેલાં 4.23 લાખ સૌરભને આપ્યાં હતાં.અરસામાં સૌરભને તે ફોન કરતાં તેનો ફોન સ્વિચ ઓફ આવતો હતો. જેથી તેમણે તપાસ કરતાં સૌરભરાવ તેમની પત્ની તેમજ તેમના પાર્ટનરો ઘણા બધા લોકો સાથે ફ્રેન્ચાઈઝી આપવાના બહાને લોકો પાસેથી લાખો-કરોડોની રકમ મેળવી રફૂચક્કર થઈ ગયાં હતાં.ઘટનાને પગલે તેમણે ભરૂચ એ ડિવિઝન પોલીસમા ફરિયાદ નોંધાવતાં પોલીસે ગુનો નોંધી ગણતરીના સમયમાં જ વૈભવી શેરે તેમજ જૈમિન ડોંગરેને ટીમે ઝડપી પાડી આગળની કાર્યવાહી હાથ ધરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Narmada: નર્મદા જિલ્લા રાજપૂત સમાજના આગેવાનોની બેઠક યોજાઇ
calendar_today May 26, 2026

Narmada: નર્મદા જિલ્લા રાજપૂત સમાજના આગેવાનોની બેઠક યોજાઇ

રાજપીપળા સ્થિત પ્રમોદ વિલા પેલેસ ખાતે નર્મદા જિલ્લા રાજપૂત સમાજના આગેવાનોની બેઠક મળી હતી.આ બેઠકમાં રાજપૂત સમાજના આગેવાન ભારત સિંહ માંગરોલા, ભાજપ આગેવાન અનિરુદ્ધ સિંહ ગોહિલ, રાજપીપળા નગરપાલિકાના પૂર્વ પ્રમુખ અને હાલના કારોબારી અધ્યક્ષ કુલદીપસિંહ ગોહિલ, આગેવાન દુષ્યંત સિંહ રાઉલજી ઠાકોર યોગેન્દ્ર સિંહ ગોહિલ, અજીતસિંહ રાઠોડ, રમણ સિંહ રાઠોડ અને ભારત સિંહ રાણા સરકારી વકીલ જીતેન્દ્ર સિંહ ગોહિલ અને કિરણ સિંહ પરમાર તથા અન્ય આગેવાનો ઉપસ્થિત રહ્યા હતા. આ પ્રસંગે રાજપૂત સમાજના વિદ્યાર્થીઓ અને વિદ્યાર્થીનીઓ શિક્ષણક્ષેત્રે કંઈ રીતે પ્રગતિ અને વિકાસ કરી શકે તે અંગે વિસ્તૃત ચર્ચા વિચારણા કરવામાં આવી હતી. સમાજના વિદ્યાર્થીઓ માટે મહત્વની લાયબ્રેરી બનાવાની પણ ચર્ચા થઇ હતી. તદ્ઉપરાંત સામાજિક પ્રશ્નો અંગે વિસ્તૃત ચર્ચા વિચારણા કરવામાં આવી હતી. નર્મદા જિલ્લા આગેવાનોની દર ત્રણ મહિને બેઠક મળશે અને રાજપૂત સમાજના વિવિધ મુદ્દાઓની ચર્ચા વિચારણા કરવામાં આવશે તેવો નિર્ણય લેવાયો હતો. રાજપૂત સમાજના 11 આગેવાનની એક કમિટી બનાવવામાં આવી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward