વેલદામાં રિક્ષા પાછળ બાંધેલું દોરડું તૂટી જતા પટકાયેલા ચાલકનું મોત
નિઝરના વેલદા ટાંકી પાસે મોટરસાઈકલમાં પેટ્રોલ પૂરું થતા એક રિક્ષાની પાછળ મોટરસાઇકલ બાંધી ચાલક જઇ રહ્યો હતો, તે દરમિયાન દોરડું તૂટી જતા પટકાયેલ ચાલકને ગંભીર ઇજા થતા મોત તથા અન્ય એકને ગંભીર ઇજા થઇ હતી.નંદુરબારના અક્કલકુવાના રહીશ વસીમ શબ્બિર ઇબ્રાહીમ શેખ (ઉં.વ.42) તથા તાહીર અહેમદ મુસ્તાક અંસારી તા. 24ના રોજ તાહીરના મોબાઈલના ગ્લાસ નાખવા તથા સ્ક્રીનગાર્ડ તથા ગોરીલા ગ્લાસ મોબાઇલમાં નાખવા માટે નંદુરબાર મોટરસાઈકલ (નં.જીજે.16.સીઇ.2836) લઇને જઇ રહ્યા હતા, તે દરમિયાન મોટરસાઈકલમાં રસ્તા વચ્ચે પેટ્રોલ પૂરું થઇ જતા એક અજાણી રિક્ષા પીયાગો સાથે મોટરસાઈકલ બાંધી જઇ રહ્યા હતા. તે દરમિયાન વેલદા ટાંકીથી કુકરમુંડા તરફ જતા રોડ ઉપર અજાણ્યા રિક્ષાચાલકે પોતાની રિક્ષા પુરઝડપે હંકારતા રિક્ષા સાથે બાંધેલું દોરડું તૂટી જતા મોટરસાઈકલ ચાલક તાહીર અહેમદ અંસારી તથા વસીમ શબ્બિર શેખ રોડ ઉપર પટકાયા હતા. રોડ ઉપર પટકાયેલા બંને પૈકી તાહીરને ગંભીર ઇજાઓ થતા જેનું મોત થયું હતું, જ્યારે વસીમને સામાન્ય ઇજાઓ થઇ હતી. અજાણ્યો રિક્ષાચાલક ફરાર થઇ ગયો હતો, ઘટના અંગે ઇજાગ્રસ્તે નિઝર પોલીસ મથકે ફરિયાદ કરી હતી. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward