android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
AMCની બમ્પર ઓફર, મોલ, થિયેટર અને હોસ્પિટલો ફ્રી પાર્કિંગ આપશે તો પ્રોપર્ટી ટેક્સમાં મળશે મોટી માફી
calendar_today May 25, 2026

AMCની બમ્પર ઓફર, મોલ, થિયેટર અને હોસ્પિટલો ફ્રી પાર્કિંગ આપશે તો પ્રોપર્ટી ટેક્સમાં મળશે મોટી માફી

અમદાવાદ શહેરમાં સતત વકરી રહેલી ટ્રાફિક જામ અને પાર્કિંગની સમસ્યાનો કાયમી ઉકેલ લાવવા માટે અમદાવાદ મ્યુનિસિપલ કોર્પોરેશન (AMC) દ્વારા એક અત્યંત પ્રગતિશીલ અને પ્રોત્સાહક નિર્ણય લેવામાં આવ્યો છે. મ્યુનિસિપલ કોર્પોરેશન દ્વારા જાહેર કરાયેલી ‘કોમ્પ્રિહેન્સિવ પોલિસી ૨૦૨૬’ અંતર્ગત હવે જે કોમર્શિયલ એટલે કે વ્યાવસાયિક એકમો નાગરિકોને પોતાની માલિકીની જગ્યામાં તદ્દન નિ:શુલ્ક (ફ્રી) પાર્કિંગની સુવિધા આપશે, તેમને પ્રોપર્ટી ટેક્સમાં (મિલકત વેરામાં) મોટી રાહત અને વેરામાફીનો લાભ આપવામાં આવશે.વ્યાવસાયિક એકમોને લાભ મળશે એએમસીના સત્તાવાર પરિપત્ર મુજબ, આ યોજનાનો લાભ શહેરના તમામ શોપિંગ મોલ, મલ્ટીપ્લેક્સ, થિયેટર, હોટલ, હોસ્પિટલ, પાર્ટી પ્લોટ, જીમ્નેશિયમ, શૈક્ષણિક સંસ્થાઓ તેમજ નેશનલ કે સ્ટેટ હાઈ-વે અને રીંગ રોડ પર આવેલા તમામ રહેણાંક સિવાયના વ્યાવસાયિક એકમોને મળશે. આ એકમોએ પોતાના પાર્કિંગ એરિયામાં વાહનચાલકો પાસેથી કોઈપણ પ્રકારનો ચાર્જ વસૂલવાનો રહેશે નહીં. જેટલા ક્ષેત્રફળમાં ફ્રી પાર્કિંગ અપાશે, તેટલા ભાગ પૂરતી પ્રોપર્ટી ટેક્સમાં માફી મળશે. આ માટે ક્ષેત્રફળની ગણતરી 1 ECS (1 Equivalent Car Space = ૧૩.૭૫ ચોરસ મીટર) મુજબ કરવામાં આવશે. સંમતિ પત્રક ભરીને ફ્રી પાર્કિંગ જોકે, વેરામાફીનો લાભ મેળવવા માટે કોર્પોરેશને કેટલીક કડક શરતો પણ મૂકી છે. આ અંતર્ગત વ્યાવસાયિક એકમોએ AMCની સત્તાવાર વેબસાઈટ પર સંમતિ પત્રક ભરીને ફ્રી પાર્કિંગની જાહેરાત કરવી પડશે. સૌથી મહત્વની શરત એ છે કે, દરેક એકમે પોતાના પાર્કિંગ મેનેજમેન્ટ માટે એક જવાબદાર વ્યક્તિની નિમણૂક કરવી પડશે, જેણે કોર્પોરેશનની અધિકૃત ‘AmadaPark Application’ માં વાહનોની રિયલ ટાઇમ (લાઇવ) એન્ટ્રી કરવાની રહેશે. આનાથી સામાન્ય વાહનચાલકો રસ્તા પરથી જ ડિજિટલી જાણી શકશે કે કયા મોલ કે હોસ્પિટલમાં પાર્કિંગ સ્પેસ ખાલી છે. ગેરકાયદેસર પાર્કિંગના દબાણો ઘટશે જે એકમો આ એપનો ઉપયોગ નહીં કરે અથવા છૂપી રીતે ચાર્જ વસૂલશે તેમને આ ટેક્સ માફીનો લાભ નહીં મળે. આ ઉપરાંત, જે એકમો આ યોજનાનો લાભ લેવા નથી માંગતા, તેમણે પણ પોતાની પાર્કિંગ જગ્યા પર નિયત ટેક્સ ભરાય તે માટે 60 દિવસની અંદર કોર્પોરેશનની વેબસાઈટ પર સેલ્ફ-એસેસમેન્ટ મોડ્યુલ દ્વારા ફરજિયાત અરજી કરવાની રહેશે. એએમસીની આ નવી પહેલથી રસ્તાઓ પર થતા ગેરકાયદેસર પાર્કિંગના દબાણો ઘટશે અને શહેરની ટ્રાફિક વ્યવસ્થા વધુ સુવ્યવસ્થિત બનશે. આ પણ વાંચો----      Supreme Courtએ કહ્યું, બહુ ભાવુક થવાની જરુર નથી...કોકરોચ જનતા પાર્ટી વિરુદ્ધની અરજી પર સુનાવણી કરીશું

Read Full Story arrow_forward
Gandhinagar News: દહેગામના રખિયાલ ગામે વાંદરાના બચ્ચાના માથામાં ફસાયો તાંબાનો લોટો
calendar_today May 25, 2026

Gandhinagar News: દહેગામના રખિયાલ ગામે વાંદરાના બચ્ચાના માથામાં ફસાયો તાંબાનો લોટો

ગાંધીનગર જિલ્લાના દહેગામ તાલુકાના રખિયાલ ગામમાંથી જીવદયા અને માનવતાનું એક ઉત્તમ ઉદાહરણ પૂરું પાડતી હૃદયસ્પર્શી ઘટના સામે આવી છે. અહીં એક માસૂમ વાંદરાના બચ્ચાનું મોં અકસ્માતે તાંબાના લોટામાં ફસાઈ ગયું હતું. આ અસહ્ય પીડા અનુભવી રહેલા મૂંગા જીવની વહારે સ્થાનિક ગ્રામજનો અને વન વિભાગની ટીમ આવી પહોંચી હતી. સોશિયલ મીડિયા પર આ અનોખા રેસ્ક્યુ ઓપરેશનનો વીડિયો વાયરલ થતાં લોકો આ કામગીરીને બિરદાવી રહ્યા છે.વન વિભાગ અને સેવાભાવી સંસ્થાઓનું સંયુક્ત રેસ્ક્યુ મિશન બચ્ચાની વ્યાકુળતા જોઈને રખિયાલના યુવાનો ગૌરવભાઈ પટેલ, રાહુલ ઝાલા અને અક્ષયભાઈ જાડેજાએ તરત જ વન વિભાગને જાણ કરી હતી. દહેગામ ફોરેસ્ટ રેન્જના RFO મધુબેન બારડના માર્ગદર્શન હેઠળ ફોરેસ્ટ અધિકારી વિકાસભાઈ ચૌધરી અને કિશનસિંહ રાઠોડે રેસ્ક્યુ મિશન શરૂ કર્યું હતું. આ મિશનમાં ઉમ્મીદ ફાઉન્ડેશનના ધીરજ માહેશ્વરી તેમજ સદભાવના ફાઉન્ડેશનના રણજીતસિંહ અને દશરથસિંહ પણ જીવના જોખમે જોડાયા હતા. 3 દિવસની ભારે જહેમત બાદ બચ્ચાનું માતા સાથે મિલન સમગ્ર ટીમે સતત ત્રણ દિવસ સુધી ભારે જહેમત ઉઠાવીને આખરે રવિવારે વાંદરાના બચ્ચાને સુરક્ષિત રીતે કાબૂમાં લીધું હતું. ત્યારબાદ લોખંડ કાપવાની કાતર વડે અત્યંત સિફતપૂર્વક તાંબાનો લોટો કાપીને બચ્ચાને મુક્ત કરાયું હતું. મુક્ત થતાં જ નાનકડું બચ્ચું દોડીને ઝાડ પર બેઠેલી તેની માતાને વળગી પડ્યું હતું. આ ભાવુક દ્રશ્ય જોઈને ત્રણ દિવસથી પરસેવો પાડી રહેલા વનકર્મીઓ અને ગ્રામજનોના ચહેરા પર ખુશીની લહેર દોડી ગઈ હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Mehsana News: બહુચરાજી તાલુકા પંચાયતમાં બહુમતિ ભાજપની, પણ પ્રમુખ કોંગ્રેસનો, જાણો કારણ
calendar_today May 25, 2026

Mehsana News: બહુચરાજી તાલુકા પંચાયતમાં બહુમતિ ભાજપની, પણ પ્રમુખ કોંગ્રેસનો, જાણો કારણ

ગુજરાતના સ્થાનિક રાજકારણ અને ખાસ કરીને મહેસાણા જિલ્લામાંથી એક ચોંકાવનારા અને મોટા રાજકીય ઉલટફેરના સમાચાર સામે આવ્યા છે. બહુચરાજી તાલુકા પંચાયતમાં સ્પષ્ટ અને પ્રચંડ બહુમતી હોવા છતાં શાસક પક્ષ ભાજપને સત્તા ગુમાવવાનો વારો આવ્યો છે. વિપક્ષ કોંગ્રેસે માત્ર ૩ બેઠકો હોવા છતાં રાજકીય કાવાદાવા અને સમીકરણો ગોઠવીને બહુચરાજી તાલુકા પંચાયત પર પોતાનો ભગવો લહેરાવતા અટકાવી દીધો છે અને સત્તા કબજે કરી લીધી છે. આજે કોંગ્રેસના હિતેશ મકવાણાએ સત્તાવાર રીતે તાલુકા પંચાયતના પ્રમુખ તરીકેનો પદભાર સંભાળી લીધો છે.13 બેઠકો છતાં ભાજપ સત્તાથી દૂર, જાણો શું છે આખું સમીકરણ બહુચરાજી તાલુકા પંચાયતની કુલ 16 બેઠકો માટે યોજાયેલી ચૂંટણીમાં ભાજપને એકતરફી બહુમતી મળી હતી. 16માંથી 13 બેઠકો પર ભાજપના ઉમેદવારો વિજેતા બન્યા હતા, જ્યારે કોંગ્રેસના ફાળે માત્ર 3 બેઠકો જ આવી હતી. ગણિત પ્રમાણે ભાજપનું શાસન નક્કી હતું, પરંતુ પ્રમુખ પદ માટે અનામતની સ્થિતિ (SC ઉમેદવાર) વચ્ચે આખી બાજી પલટી ગઈ હતી. કોંગ્રેસના એસસી કેટેગરીના ઉમેદવારની જીત થતાં અને ભાજપના આંતરિક સમીકરણો અથવા ટેકનિકલ કારણોસર ભાજપ બહુમતી હોવા છતાં પોતાનો પ્રમુખ બનાવી શક્યું નહીં, જેના કારણે કોંગ્રેસના હિતેશ મકવાણા પ્રમુખ પદે બિરાજમાન થયા છે. ઉપ પ્રમુખ અને કારોબારી ચેરમેનની પણ વરણી બહુચરાજી તાલુકા પંચાયતમાં પ્રમુખ પદની સાથે અન્ય મહત્વના હોદ્દાઓ પર પણ નિમણૂક કરી દેવામાં આવી છે, જેની વિગત નીચે મુજબ છે: પ્રમુખ: હિતેશ મકવાણા (કોંગ્રેસ) ઉપ પ્રમુખ: પ્રતાપસિંહ ઝાલા કારોબારી ચેરમેન: ચિરાગ પટેલ ભાજપ છાવણીમાં સોંપો, કોંગ્રેસમાં ઉત્સાહ સામાન્ય રીતે રાજ્યભરમાં સ્થાનિક સ્વરાજ્યની સંસ્થાઓમાં ભાજપનું એકચક્રી શાસન જોવા મળી રહ્યું છે, ત્યારે મહેસાણા જેવા અતિ મહત્વના જિલ્લાના બહુચરાજીમાં ભાજપ માટે આ પરિણામ ખૂબ જ આંચકાજનક માનવામાં આવી રહ્યું છે. 13 સભ્યો હોવા છતાં સત્તા હાથમાંથી સરકી જતાં સ્થાનિક ભાજપ સંગઠનમાં દોડધામ મચી ગઈ છે અને આંતરિક જૂથબંધી કે ક્ષતિઓ અંગે ચર્ચાઓ શરૂ થઈ છે. બીજી તરફ, માત્ર 3 બેઠકો સાથે સત્તા મેળવીને કોંગ્રેસ છાવણીમાં ભારે ઉત્સાહનો માહોલ જોવા મળી રહ્યો છે. આ પણ વાંચો - Mehsana News: બેચરાજીમાં ત્રણ વ્યાજખોરોના ત્રાસથી યુવકે ઝેરી દવા ગટગટાવીને જીવન ટૂંકાવ્યું

Read Full Story arrow_forward