Vadodara: શ્રીમદ્ ભાગવત ભગવાનનું પૂજન, પુરુષોત્તમ સહસ્ત્ર નામાવલીનું પઠન
પાદરામાં રંગ પરિવાર દ્વારા આયોજિત શ્રી રંગફર્મ ખાતે ચાલી રહેલી શ્રીમદ ભાગવત કથાના છઠ્ઠા દિવસે વિવિધ ધાર્મિક કાર્યક્રમો યોજાયા હતા. સવારના પ્રારંભે વૈદિક મંત્રોચ્ચાર સાથે પ્રાતઃ પૂજન તેમજ શ્રીમદ ભાગવત ભગવાનનું વિધિવત પૂજન કરાયું હતું. ત્યારબાદ પુરુષોત્તમ સહસ્ત્ર નામાવલીના પાઠ સાથે ભગવાન રાધા કૃષ્ણનું તુલસી દલથી પૂજન કરાયું અને સમગ્ર વાતાવરણ ભક્તિમય બન્યું હતું.આ પ્રસંગે ભગવાન શ્રી રાધાકૃષ્ણને તુલસી અર્પણ કરી વિશેષ શૃંગાર કરવામાં આવ્યો હતો. ભક્તોએ ભાવભીની પ્રાર્થનાઓ સાથે ભગવાનના દર્શન કરી ધન્યતા અનુભવીહતી. દિવસ દરમિયાન મોટી સંખ્યામાં ભક્તોએ હાજરી આપી કથાનો લાભ લીધો હતો. સાંજે ભગવાન શ્રીકૃષ્ણ પરમાત્માના જન્મોત્સવની ભવ્ય ઉજવણી કરાઇ હતી. શ્રીકૃષ્ણ જન્મના પાવન પ્રસંગે સમગ્ર રંગફર્મ નંદ ઘેર આનંદ ભયોના જયઘોષોથી ગુંજી ઉઠયું હતું. ભક્તોએ આનંદ અને ઉમંગ સાથે ભગવાનના જન્મોત્સવની ઉજવણી કરી હતી. જન્મોત્સવ દરમિયાન ભક્તો દ્વારા મઠડી, બુંદી, ઠોર, સાકર, ચોકલેટ સહિતના પ્રસાદ ઠાકોરજીને અર્પણ કરવામાં આવ્યા હતા. વિશેષ કરીને બાળકૃષ્ણને પ્રિય એવા વિવિધ ભોગ ધરાવાયો હતો. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward