PM મોદીની ઈંધણ બચાવવાની અપીલ બાદ રાજ્યપાલ આચાર્ય દેવવ્રત પોતાના કાફલાનો નહીં કરે ઉપયોગ
વડાપ્રધાન નરેન્દ્ર મોદીએ દેશમાં ઈંધણ બચત અને પર્યાવરણ સંરક્ષણને પ્રોત્સાહન આપવા માટે નાગરિકોને ઈંધણનો સમજદારીપૂર્વક ઉપયોગ કરવાની અપીલ કરી છે. આ અભિયાનને વધુ મજબૂત બનાવતા રાજ્યપાલ આચાર્ય દેવવ્રતે પણ એક મહત્વપૂર્ણ નિર્ણય લીધો છે કે તેઓ હવે જાહેર પરિવહનનો ઉપયોગ કરશે.સામાન્ય નાગરિકોમાં જાગૃતિ લાવવાનો હેતુ રાજ્યપાલ આચાર્ય દેવવ્રતે જાહેરાત કરી છે કે તેઓ સામાન્ય બસ અથવા ટ્રેન જેવી જાહેર પરિવહન સેવાઓમાં મુસાફરી કરશે અને પોતાના અધિકૃત કાફલાનો ન્યૂનતમ ઉપયોગ કરશે. આ નિર્ણયનો મુખ્ય હેતુ ઈંધણની બચત સાથે સામાન્ય નાગરિકોમાં જાગૃતિ લાવવાનો છે. રાજ્યપાલના આ પગલાને સામાજિક અને પર્યાવરણ સંરક્ષણ દૃષ્ટિએ મહત્વપૂર્ણ માનવામાં આવી રહ્યું છે. તેઓએ જણાવ્યું છે કે ઉચ્ચ પદ પર રહેલા લોકો જો સરળ જીવનશૈલી અપનાવે તો સમાજમાં સકારાત્મક સંદેશ જાય છે. પર્યાવરણ પ્રદૂષણમાં ઘટાડો થશે સાથે જ તેમણે તમામ યુનિવર્સિટીઓ અને શૈક્ષણિક સંસ્થાઓને પણ ઈંધણ બચત માટે ઈલેક્ટ્રિક વાહનોના ઉપયોગને પ્રોત્સાહન આપવા અપીલ કરી છે. તેમણે કહ્યું છે કે શૈક્ષણિક સંસ્થાઓમાં ઈ-વાહનોનો ઉપયોગ વધારવાથી પર્યાવરણ પ્રદૂષણમાં ઘટાડો થશે અને ભવિષ્યની પેઢી માટે સ્વચ્છ વાતાવરણ સર્જાશે. રાજ્યપાલે યુવાનોને પણ ઈંધણ બચત અભિયાનમાં જોડાવા માટે પ્રેરિત કર્યા છે. વાહનોનો અનાવશ્યક વપરાશ ટાળવા અપીલ આ પહેલા વડાપ્રધાન નરેન્દ્ર મોદીએ પણ દેશવાસીઓને ઈંધણનો યોગ્ય ઉપયોગ કરવા અને અનાવશ્યક વપરાશ ટાળવા અપીલ કરી હતી. સરકાર સતત ઈ-મોબિલિટી અને સ્વચ્છ ઊર્જા પર ભાર મૂકી રહી છે. રાજ્યપાલના આ નિર્ણયને અનેક સ્તરે પ્રશંસા મળી રહી છે અને તેને એક ઉદાહરણરૂપ પગલું માનવામાં આવી રહ્યું છે, જે અન્ય ઉચ્ચ અધિકારીઓ માટે પણ પ્રેરણાદાયક બની શકે છે. આ પણ વાંચો : Education : 11થી 20 જૂન સુધી ધોરણ 10-12ની યોજાશે પૂરક પરીક્ષા, ગુજરાત બોર્ડે કરી જાહેરાત
Read Full Story arrow_forward
