Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 08 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
ઉદ્યોગ નગરી અંકલેશ્વરની GIDCમાં આવેલી જાણીતી ફાર્મા કંપનીમાં બપોરના સમયે પ્રચંડ બ્લાસ્ટ સાથે આગ લાગવાની ઘટના સામે આવી છે. કેડિલા ફાર્માસ્યુટિકલ કંપનીમાં થયેલા આ બ્લાસ્ટને કારણે ફેક્ટરી વિસ્તારમાં અફરાતફરીનો માહોલ ફેલાઈ ગયો હતો.MPP-2 પ્લાન્ટમાં લોડિંગ સમયે સર્જાઈ દુર્ઘટના ઘટનાની મળતી માહિતી અનુસાર, કેડિલા કંપનીના MPP-2 પ્લાન્ટમાં જ્યારે સોડિયમ કાર્બોનેટનું લોડિંગ કરવામાં આવી રહ્યું હતું, ત્યારે અચાનક કોઈ કારણોસર પ્રચંડ બ્લાસ્ટ થયો હતો. બ્લાસ્ટ એટલો જોરદાર હતો કે, જોતજોતામાં પ્લાન્ટમાં આગ ફાટી નીકળી હતી. આ અકસ્માતમાં ત્યાં કામ કરી રહેલા બે કામદારો ગંભીર રીતે દાઝી ગયા હતા. ઇજાગ્રસ્તોને વડોદરા રિફર કરાયા ઘટનામાં ગંભીર રીતે દાઝી ગયેલા બંને શ્રમિકોને તાત્કાલિક સારવાર માટે ભરૂચની હોસ્પિટલમાં ખસેડવામાં આવ્યા હતા. જોકે, તેમની હાલત અત્યંત નાજુક હોવાથી પ્રાથમિક સારવાર બાદ વધુ સારવાર અર્થે વડોદરા ખાતે રિફર કરવામાં આવ્યા છે. ઉચ્ચ સ્તરીય તપાસના આદેશ આગ અને બ્લાસ્ટની જાણ થતા જ ઇન્ડસ્ટ્રીયલ સેફટી એન્ડ હેલ્થ વિભાગ (DISH) તેમજ પોલીસનો કાફલો ઘટના સ્થળે દોડી આવ્યો હતો. કંપનીમાં સુરક્ષાના સાધનો અને નિયમોનું પાલન થતું હતું કે, નહીં તે દિશામાં તપાસ શરૂ કરવામાં આવી છે. હાલમાં પોલીસે અકસ્માતનો ગુનો નોંધી આગ લાગવા પાછળના સચોટ કારણો જાણવા માટે એફએસએલ (FSL)ની પણ મદદ લીધી છે. આ પણ વાંચો - Bharuch: ઝઘડિયામાં ટ્રકની અડફેટે શ્રમિક પરિવાર વેરવિખેર, 3 વર્ષની બાળકીનું ઘટના સ્થળે મોત
Read Full Story arrow_forward
બોટાદના ગઢડા તાલુકા પંચાયતના સદસ્ય પ્રવિણ મકવાણા પર જીવલેણ હુમલો થતા રાજકીય ગરમાવો આવી ગયો છે. મોટા સખપર ગામના વતની અને આમ આદમી પાર્ટીના સદસ્ય પ્રવિણ મકવાણા જ્યારે પોતાના વિસ્તારમાં હતા, ત્યારે કેટલાક અજાણ્યા શખ્સોએ તેમને ઘેરી લીધા હતા. હુમલાખોરોએ પૂર્વ આયોજિત કાવતરાના ભાગરૂપે પ્રવિણભાઈ પર લાકડીઓ અને લોખંડના પાઈપ વડે આડેધડ પ્રહાર કરવાનું શરૂ કરી દીધું હતું.ચૂંટણીની દાઝ હોવાની શંકા આ હુમલામાં પ્રવિણ મકવાણાને શરીરે અને માથાના ભાગે ગંભીર ઈજાઓ પહોંચી છે. હુમલા બાદ હુમલાખોરો ઘટનાસ્થળેથી ફરાર થઈ ગયા હતા. ત્યારબાદ ઈજાગ્રસ્ત સદસ્યને લોહીલુહાણ હાલતમાં તાત્કાલિક સારવાર માટે નજીકની હોસ્પિટલમાં ખસેડવામાં આવ્યા હતા. આ હુમલા પાછળ ચૂંટણીની જૂની અદાવત અથવા રાજકીય દાઝ હોવાનું મનાઈ રહ્યું છે. પ્રવિણ મકવાણા આમ આદમી પાર્ટીની ટિકિટ પરથી મોટા સખપર બેઠક પર વિજેતા થયા હતા, જેની કડવાશ આ હુમલાનું કારણ હોઈ શકે છે. હુમલાખોરોને પકડવા ચક્રો ગતિમાન રાજકીય અગ્રણી પર હુમલાની જાણ થતા જ બોટાદ પોલીસનો કાફલો ઘટનાસ્થળે અને હોસ્પિટલ દોડી આવ્યો હતો. પોલીસે ઈજાગ્રસ્તનું નિવેદન લેવાની તજવીજ હાથ ધરી છે અને હુમલાખોરો કોણ હતા તે જાણવા માટે ગામમાં અને આસપાસના સીસીટીવી ફૂટેજ તપાસવામાં આવી રહ્યા છે. હાલમાં મોટા સખપર ગામમાં કોઈ અનિચ્છનીય બનાવ ન બને તે માટે પોલીસ બંદોબસ્ત ગોઠવી દેવામાં આવ્યો છે. પોલીસ આ મામલે કડક હાથે તપાસ કરી હુમલાખોરોને વહેલી તકે ઝડપી લેવા આશ્વાસન આપ્યું છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward