Community News & Updates

Stay informed with the latest happenings, achievements, and announcements from our community.

All News

calendar_today May 8, 2026

Mehsana: મહેસાણા પરા તળાવમાં 7 કરોડના ખર્ચે 1 MLD ક્ષમતાના 'ISR' પ્લાન્ટનું નિર્માણ કાર્ય શરૂ કરાયું

મહેસાણા શહેરમાં પાણીના વેડફટને અટકાવી તેના પુનઃવપરાશના વિઝન સાથે મહેસાણા મ્યુનિસિપલ કોર્પોરેશન દ્વારા પ્રથમવાર 'ઈનટ સોલિડ રિમુવર '(ISR) પ્લાન્ટ તૈયાર કરવાનું આયોજન કરાયું હતું. અંદાજે 7 કરોડ રૂપિયાના ખર્ચે હાલમાં આ પ્રોજેક્ટ અંતર્ગત પ્લાન્ટ નિર્માણની કામગીરી શરૂ કરવામાં આવી છે.જે નિર્માણ કામ પૂર્ણ થતાં રોજના 10 લાખ લીટર ગટરના દૂષિત પાણીને સંપૂર્ણ શુદ્ધ કરવામાં આવશે.સામાન્ય રીતે દૂષિત પાણીને શુદ્ધ કરવા વપરાતા STP પ્લાન્ટ કરતા ISR ટેકનોલોજી વધુ ચડિયાતી રહી છે, કારણ કે તેમાં પાણી શુદ્ધ થયા બાદ BOD (બાયો ઓક્સિજન ડિમાન્ડ)નું પ્રમાણ 30 કરતા પણ ઓછું રહે છે, જે પાણીની ઉચ્ચ ગુણવત્તા દર્શાવે છે.આ શુદ્ધ થયેલું પાણી પરા તળાવમાં છોડીને તેને હંમેશા જીવંત રાખવા પ્રયાસ કરવામાં આવશે, તેમજ તેનો ઉપયોગ ઇન્ડસ્ટ્રીઝ કે અન્ય હેતુઓ માટે પણ થઈ શકશે. મનપા દ્વારા એજન્સી સાથે 5 વર્ષના સંચાલન અને મેઇન્ટેનન્સના કોન્ટ્રાક્ટ સાથે ટેન્ડર પ્રક્રિયા પૂર્ણ કરવામાં આવી હતી અને હાલમાં આ પ્લાન્ટ નિર્માણ કાર્ય પુરજોશમાં હાથ ધરવામાં આવ્યું છે. આગામી 4 માસમાં પરા તળાવના રીડેવલોપમેન્ટની સાથે આ ISR પ્લાન્ટની કામગીરી પણ પૂર્ણ કરી દેવામાં આવશે. જૂનાગઢ અને ગાંધીનગર બાદ આ પ્રકારનો પ્લાન્ટ ધરાવતું મહેસાણા રાજ્યનું ત્રીજું શહેર બનશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 8, 2026

Mehsana: ઉ.ગુજરાત પોસ્ટલ વિભાગ 251 કરોડની રેવન્યુ સાથે ગુજરાતમાં સર્વોચ્ચ સ્થાને

ઉ.ગુજરાત પોસ્ટલ પરિક્ષેત્રએ નાણાકીય વર્ષ 2025-26માં પોતાની શ્રોષ્ઠ કામગીરી દ્વારા સફ્ળતાનું નવું શિખર સર કર્યું છે. પોસ્ટમાસ્ટર જનરલ કૃષ્ણકુમાર યાદવના માર્ગદર્શન હેઠળ પરિક્ષેત્રએ રૂ.251 કરોડની રેવેન્યુ હાંસલ કરી છે. ગત વર્ષની સરખામણીએ 25.19% નો વધારો દર્શાવે છે. આ આંકડા સાથે ઉ.ગુજરાત પરિક્ષેત્ર સમગ્ર ગુજરાત પરિમંડળમાં રેવેન્યુ જનરેશનમાં પ્રથમ ક્રમે રહ્યું છે. 1,110 ગામો સુકન્યા સમૃધ્ધિ ગ્રામ, 400 ગામોને બચત ગ્રામ અને 791 ગામો સંપૂર્ણ વીમા ગ્રામ જાહેર કરવામાં આવ્યા છે.ક્ષેત્રીય કાર્યાલય ખાતે મળેલી સમીક્ષા બેઠકમાં જણાવાયું હતું કે તમામ 7 વર્ટીકલ્સમાં ઉત્કૃષ્ટ દેખાવ રહ્યો છે. રૂ.104.93 કરોડની આવક (5.35% વૃદ્ધિ). પાર્સલ રેવેન્યુમાં 190% નો ઐતિહાસિક ઉછાળો નોંધાયો છે. ડાક જીવન વીમામાં રૂ.17.70 કરોડની આવક સાથે 21.65% નો વધારો થયો છે. રૂ.8.55 કરોડની આવક જે વૈશ્વિક સ્તરે વિસ્તરતી સેવાનું પ્રતીક છે. કૃષ્ણકુમાર યાદવના નેતૃત્વમાં પોસ્ટલ વોરિયર્સ અભિયાન દ્વારા ગ્રામીણ સ્તરે ક્રાંતિ જોવા મળી છે. વર્ષ દરમિયાન 8.84 લાખ નવા બચત ખાતા ખોલવામાં આવ્યા જેનાથી કુલ ખાતાની સંખ્યા 43 લાખને પાર કરી ગઈ છે. આધાર અને પાસપોર્ટ સેવા માત્ર ટપાલ જ નહીં, પરંતુ ટેકનોલોજી આધારિત સેવાઓમાં પણ પોસ્ટ ઓફ્સિ આગળ રહી છે. વર્ષ દરમિયાન 4.20 લાખ નાગરિકોને આધાર સેવાઓ પૂરી પાડવામાં આવી હતી. જેમાં 88 હજાર લોકોને ઘરે બેઠા(CELC)સેવા મળી હતી. આ ઉપરાંત 68,702 પાસપોર્ટ અરજીઓનું સફ્ળતા પૂર્વક પ્રોસેસિંગ કરવામાં આવ્યું હતું. સહાયક નિદેશક વી. એમ. વહોરાએ જણાવ્યું હતું કે,છેવાડાના માનવી સુધી પહોંચવા માટે 6,771 ડાક ચોપાલો યોજાઈ હતી. અન્ય સહાયક નિદેશક અલ્પેશ શાહે ઉમેર્યું કે,કાર્યક્ષમતાના આધારે 48 બ્રાંચ પોસ્ટ ઓફ્સિને પ્લેટિનમ અને 240 ને ડાયમંડ વોરિયર તરીકે સન્માનિત કરાયા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 8, 2026

Patan: પાટણ યુનિવર્સિટીમાં રિએસેસમેન્ટ કાંડનાઆરોપીના રિમાન્ડ પૂર્ણ થતાં સબજેલમાં ધકેલાયો

પાટણ ખાતેની HNGUમાં વર્ષ 2018 લેવાયેલી MBBSના પ્રથમ વર્ષની પરીક્ષામાં નાપાસ થયેલા 3 વિદ્યાર્થીઓએ સિનિયર વિદ્યાર્થી કનુ ચૌધરીનો સંપર્ક કરી રૂ.50 હજારમાં યુનિવર્સિટીમાં પરીક્ષા વિભાગમાં રિએસેસમેન્ટમાં રોજમદાર કર્મચારીઓ જોડે સેટિંગ પાડીને રિએસેસમેન્ટના નામે પુરવણીઓ બદલીને પાસ થવાનો મામલો સામે આવતાં વર્ષ 2025 માં યુનિવર્સિટીના રજીસ્ટ્રાર રોહિત દેસાઈએ કનુ ચૌધરી સહિત કુલ 6 સામે પાટણ સીટી બી ડિવિઝન પોલીસ મથકે ફ્રીયાદ નોંધાવી હતી. ત્યારબાદ આરોપીઓ દ્વારા પોતાની ધરપકડ ટાળવા માટે આગોતરા જામીન અરજી મુકી હતી.જેમાં કનુ ચૌધરીએ સુપ્રિમ કોર્ટમાં આગોતરા જામીન અરજી મુકતાં કોર્ટે ફ્ગાવી દીધી હતી અને પોલીસ સ્ટેશનમાં સરન્ડર થવા માટે આદેશ કરતાં તે મહિનાના અંતે બી ડિવિઝન પોલીસ મથકે હાજર થયો હતો. જેને લઈ પોલીસે સાત દિવસના રિમાન્ડ મેળવી વધુ તપાસ હાથ ધરી હતી. જેથી ગુરૂવારે રિમાન્ડ પુરા થતા સબજેલમાં મોકલી આપ્યો હતો. તપાસ દરમિયાન કોઈ ફ્ળદાયી માહિતી મળી ન હોવાનું વિશ્વસનીય પોલીસ સુત્રોએ જણાવ્યું હતું. પાટણ સ્થિતHNGUના MBBSના પ્રથમ વર્ષની પરીક્ષા દરમિયાન ગુણ સુધારણા કાંડનો ભાંડાફેડ થયો હતો. જેને લઈ રજીસ્ટ્રાર રોહિત દેસાઈએ પાટણ બી ડિવિઝન પોલીસ મથકે વર્ષ 2025 માં ફ્રીયાદ નોંધાવી હતી જેમાં જણાવ્યુંહતું કે પરીક્ષા દરમિયાન 3 વિદ્યાર્થીઓ નાપાસ થતાં તેઓ સિનિયર વિદ્યાર્થી કનુ ચૌધરીને મળ્યા હતા. જેથી તેણે પરીક્ષામાં પાસ કરાવી આપવાનું કહીં રોજમદાર તરીકે ફ્રજ બજાવતા દિવ્ય પટેલ અને ઉદય ઓઝાનો સંપર્ક કરાવી આપ્યો હતો. જે બાદ રૂ.50 હજારમાં ગોઠવણ કરી નાપાસ થયેલા વિદ્યાર્થીઓ પાસે નવી પુરવણીઓમાં સાચા જવાબ લખાવડાવીને ગુણ સુધારા કરીને નાપાસમાંથી પાસ કરી દેવામાં આવ્યા હતા. જે મામલે કનુ ચૌધરી સહિત કુલ 6 સામે ફ્રીયાદ પાટણ બી ડિવિઝન પોલીસ મથકે નોંધાવતા કનુ ચૌધરીએ FIR થયાના એક વર્ષ સુધી આગોતરા જામીન મેળવવા માટે ધમપછાડા કર્યા હતા અને આખરે છેલ્લે સુપ્રિમ કોર્ટે આગોતરા જામીન અરજી નામંજૂર કરી કનુ ચૌધરીને પોલીસ સ્ટેશનમાં સરન્ડર થવાનો આદેશ આપતાં તે પોલીસ સમક્ષ હાજર થતાં પાટણ બી ડિવિઝન પોલીસે અટકાયત કરી કોર્ટમાં રજૂ કરી 7 તારીખ સુધીના રિમાન્ડ મેળવી પુછપરછ હાથ ધરી હતી. પરંતુ ગુરૂવારે તેના રિમાન્ડ પુરા થવા છતાં પોલીસને કોઈ મહત્વની કડી હાથ ન લાગતાં ફ્રીથી કોર્ટમાં રજૂ કરી સબજેલમાં મોકલી આપ્યો હોવાનું જાણવા મળ્યું છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward