Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 05 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
રાજકોટમાં કાયદાના રક્ષક જ જ્યારે ભક્ષક બને ત્યારે ન્યાયતંત્ર કેવી કડક કાર્યવાહી કરે છે તેનો એક જીવંત દાખલો સામે આવ્યો છે. રાજકોટ તાલુકા પોલીસ સ્ટેશનના તત્કાલીન પોલીસ ઇન્સ્પેક્ટર (PI) સી.પી. ગોસાઈને ₹3.5 લાખની લાંચ લેવાના કેસમાં અદાલતે દોષિત જાહેર કર્યા છે. આ મામલો અંદાજે 15 વર્ષ જૂનો છે, જેમાં લાંબી કાનૂની લડત બાદ હવે આરોપી અધિકારી સામે ગુનો સાબિત થયો છે.શું હતો સમગ્ર મામલો? ઘટનાની વિગત મુજબ, વર્ષ 2009માં નાના મૌવા ગામના સરપંચ સાથે જોડાયેલા 16 વર્ષ જૂના એક જૂના ખૂન કેસની તપાસ ચાલી રહી હતી. આ તપાસ દરમિયાન રમેશ મકવાણા નામના વ્યક્તિનું નામ કેસમાં ફિટ ન કરવા અને તેમને હેરાન ન કરવા માટે તત્કાલીન PI સી.પી. ગોસાઈએ ₹15 લાખની તોતિંગ લાંચની માંગણી કરી હતી. અંતે લાંચની રકમ નક્કી થયા બાદ હપ્તાવાર નાણાં ચૂકવવાનું ઠર્યું હતું. પોલીસ સ્ટેશનમાં જ સ્વીકારી હતી લાંચ ભ્રષ્ટાચાર વિરોધી બ્યુરો (ACB) દ્વારા વર્ષ 2010માં આ અંગે ગુનો દાખલ કરવામાં આવ્યો હતો. સી.પી. ગોસાઈએ પોતાની ચેમ્બરમાં જ લાંચનો બીજો હપ્તો સ્વીકાર્યો હતો, જેના પુરાવાઓ એસીબીએ એકત્ર કર્યા હતા. એસીબીના ટ્રેપ દરમિયાન થયેલી કાર્યવાહી અને મજબૂત પુરાવાઓને આધારે કોર્ટે નોંધ્યું હતું કે એક જવાબદાર પદ પર બેઠેલા અધિકારીએ પોતાના સત્તાનો દુરુપયોગ કર્યો છે. ચૂકાદાથી પોલીસ બેડામાં ફફડાટ આ ચૂકાદાથી પોલીસ બેડામાં ફફડાટ ફેલાઈ ગયો છે. વર્ષો જૂના કેસમાં પણ જો ભ્રષ્ટાચાર કર્યો હોય તો કાયદો છોડતો નથી તે આ કેસ પરથી સાબિત થયું છે. આગામી સમયમાં કોર્ટ આ મામલે સજાની જાહેરાત કરશે, જે ભ્રષ્ટ અધિકારીઓ માટે એક લાલબત્તી સમાન કિસ્સો બની રહેશે. આ પણ વાંચો---- West Bengal Election Result 2026 : હવે બંગાળના સીએમ કોણ? જાણો કોણ છે તે 'બંગાળી ચહેરો' જે સંભાળશે રાજ્યની કમાન
Read Full Story arrow_forward
ગાંધીનગરના સંત સરોવર ખાતે નર્મદા જળ સંપત્તિ વિભાગ એક્શન મોડમાં આવ્યું છે. ગત ચોમાસા દરમિયાન નદીમાં અંદાજે 1.25 લાખ ક્યુસેક પાણીની પ્રચંડ આવક થઈ હતી, જેના કારણે સરોવરના સ્ટ્રક્ચરને મોટું નુકસાન પહોંચ્યું હતું. ખાસ કરીને પાણીના જોરદાર પ્રવાહને લીધે ત્યાં લગાડવામાં આવેલા સીસી (CC) બ્લોક તૂટી ગયા હતા. આ નુકસાનને પહોંચી વળવા અને આગામી ચોમાસામાં સંભવિત હોનારત ટાળવા માટે અત્યારે રિપેરિંગ કાર્ય જોરશોરથી ચાલી રહ્યું છે.સીસી બ્લોકનું રિપેરિંગ અને મજબૂતીકરણ તંત્ર દ્વારા સંત સરોવરના પટમાં અને કિનારાના ભાગે તૂટી ગયેલા સીસી બ્લોકને ફરીથી બેસાડવાની કામગીરી હાથ ધરવામાં આવી છે. ગત વર્ષ જેવી પરિસ્થિતિનું પુનરાવર્તન ન થાય અને સ્ટ્રક્ચરને વધુ નુકસાન ન પહોંચે તે માટે એન્જિનિયરોની દેખરેખ હેઠળ ગુણવત્તાયુક્ત મજબૂતીકરણ કરવામાં આવી રહ્યું છે. ચોમાસું બેસે તે પહેલાં જ આ તમામ બ્લોકનું સમારકામ પૂર્ણ કરી લેવાનું લક્ષ્યાંક રાખવામાં આવ્યું છે. ગેબિયન પદ્ધતિથી રક્ષણાત્મક દીવાલનું નિર્માણ આ વખતે તંત્ર દ્વારા આધુનિક 'ગેબિયન પદ્ધતિ' (પથ્થરોને લોખંડની જાળીમાં બાંધીને રક્ષણાત્મક દીવાલ બનાવવી) નો ઉપયોગ કરવામાં આવી રહ્યો છે. આ પદ્ધતિથી કરવામાં આવતી રક્ષણાત્મક કામગીરી પાણીના ભારે પ્રવાહ સામે વધુ ટકાવ સાબિત થાય છે. આ પદ્ધતિથી નદીના વહેણને કારણે થતું ધોવાણ અટકાવી શકાશે અને સંત સરોવરની સુરક્ષામાં વધારો થશે. આ કામગીરીથી પ્રવાસીઓ માટે પણ સુરક્ષા સુનિશ્ચિત થશે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward