Dabhoi: ડભોઇ તાલુકામાં દારૂના ગુનામાં સંડોવાયેલ ઇસમને પાસા કરાયા
ડભોઇ પોલીસે ઓપરેશન પરાક્રમ અંતર્ગત વડોદરા ગ્રામ્ય જિલ્લામાં વિદેશી દારૂનો વેપલો કરતા ઇસમો વિરુદ્ધ પાસા દરખાસ્ત વડોદરા જિલ્લા મેજિસ્ટ્રેટ કચેરી ખાતે મોકલતા તે મંજુર કરાઇ હતી. જે અનુસંધાને બૂટલેગરની અટકાયત કરી તેને પાલારા (ભુજ) ખાતે પાસા હેઠળ મોકલી અપાયો હતો. ડભોઇ પો. સ્ટે.ના પીઆઇ એ.ટી.પટેલ દ્વારા ઓપરેશન પરાક્રમ અંતર્ગત વડોદરા ગ્રામ્ય જિલ્લામાં ભારતીય બનાવટના વિદેશી દારૂના ગુનામાં પકડાયેલ ઇસમો વિરુદ્ધ પાસા દરખાસ્ત તૈયાર કરી/કરાવી જિલ્લા મેજીસ્ટ્રેટ વડોદરાની કચેરી તરફ મોકલી આપવા તજવીજ હાથ ધરી હતી. જે અનુસંધાને ગત તા.4-3-2026ના રોજ ડભોઇ પો.સ્ટેશન ગુજરાત નશાબંધી સુધારા અધિનિયમ -2017ની પ્રોહી કલમ- 65 એઇ,98(2) મુજબના કામે આરોપી દિલીપ ખાંડીયા ભીલ (ઉ.વ.22 રહે.બોરચાપડા, તા.કવાંટ) પાસેથી મહીન્દ્રા કંપનીની XUV 500 રજી.નં GJ-06-LK-7895 ગાડીમા ભારતીય બનાવટના વિદેશી દારુની બોટલો નંગ-1808 કૂલ કિં. રૂા. 6,60, 184નો મુદ્દામાલ કબજે કર્યો હતો. આરોપી વિરુદ્ધ પાસા દરખાસ્ત તૈયાર કરી જિલ્લા મેજીસ્ટ્રેટ, વડોદરાની કચેરી ખાતે મોકલી હતી. જે મંજુર કરાતા દિલીપ ખાંડીયા ભીલનુ અટકાયતી વોરંટ અત્રેના પો.સ્ટે. આવતા અત્રેના પો.સ્ટે.ની એક પોલીસ ટીમ બનાવી અટકાયતીને પકડી પાડવા જરુરી સુચના આપેલ જે આધારે પાસા અટકાયતી છોટાઉદેપુર જીલ્લાના કવાંટ ખાતે હોવાની હકીકત હ્યુમનસોર્સીસ તથા ટેક્નીકલ સોર્સીસ દ્વારા મળતા એક ટીમ તાત્કાલિક મોકલી કવાંટ ખાતેથી દિલીપ ખાંડીયા ભીલની અટકાયત કરી પાલારા (ભુજ) ખાસ જેલ ખાતે મોકલી આપ્યો હતો.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
