Karjan: કરજણ બામણગામ પાસે ડી-માર્ટ વેર હાઉસમાં ઉગ્ર બનેલી હડતાલ
કરજણ તાલુકાના બામણગામ પાસે ડી-માર્ટ વેરહાઉસમાં કર્મીઓની પડતર માંગોને લઈને 500થી 600 જેટલા કર્મીઓ હડતાલ પર બેઠા હતા. મેનેજમેન્ટ સાથે ચર્ચા બાદ પણ કંપની દ્વારા કોઈ નિર્ણય ન મળતા બીજા દિવસે હડતાલ ઉગ્ર બની હતી. કંપનીના અધિકારી દ્વારા કંપનીને તાળાબંધી કરીને ગેટ પાસે બાઉન્સરો મૂક્યાં હતા. ડી- માર્ટ વેરહાઉસમાં ત્રણ શિફટમાં 500થી 600 જેટલા કર્મચારી કામ કરતા હતા. જેઓનું શોષણ થતું હતું. ફ્ક્ત એક દિવસના 8 કલાકના રૂા.450 પગાર આપતા હતા અને 8 કલાકના બદલે 9 કલાક અને જરૂરિયાત હોય તો ડબલ શિફટમાં પણ કર્મચારી કામ કરતા હતા. જેનો કંપની દ્વારા ઓવર ટાઈમના નાણા અપાતા ન હતા. રોજિંદા પગાર પણ સરકારના નિયમથી ઓછો આપતા હતા. પાંચ વર્ષથી કામ કરતા હોય તેવાનો પગાર અને શરૂઆત બે મહિના થયા હોય તેવાનો પગાર પણ એક સરખો જ હતો. આ બાબતથી સરકારના નિયમ મુજબ રૂા. 700 એક દિવસનો 8 કલાકનો પગારની માંગણી અને વધારાના સમયના ઓવર ટાઈમના નાણા માટે કર્મચારીએ વારંવાર મેનેજરને રજૂઆત કરવા છતાં કોઈ નિરાકરણ ન આવતા. કર્મચારીઓ કંપનીના ગેટ પાસે તડકામાં હડતાળ પર બેઠા હતા. કર્મચારીઓએ કરજણ તાલુકા કોંગ્રેસ પ્રમુખ પિન્ટુ પટેલને રજૂઆત કરતા તેઓ આવી પહોંચ્યા હતા. તેઓએ મેનેજમેન્ટ સાથે કર્મચારીઓના પગાર વિશે રજૂઆત કરી તો તેઓ અમદાવાદ અને વડોદરાના મેનેજર આવશે અને કર્મચારીઓ સાથે નક્કી કરશે પરંતુ તેઓ આવવા છતાં કોઈ નિરાકરણ નહીં આવતા હડતાલ ઉગ્ર બની હતી. બીજા દિવસે પણ કર્મચારીઓ કંપનીના ગેટ પાસે આવી હડતાલ ચાલુ રાખી હતી. અને કંપનીને તાળું મારી દેવાયું હતું. કંપનીના ગેટ પાસે બાઉન્સરો ગોઠવી દીધા હતા. કંપનીના મેનેજર જણાવેલ હતું કે, મેઇન ઓફિસે કર્મીઓની માંગની રજૂઆતનો મેલ મોકલેલ છે. તમે હડતાલ બંધ રાખો કર્મીઓએ મેલની કોપી જોવા માટે માગતા મેલની કોપી બતાવેલ ન હતી. જેથી ઉગ્ર બનેલ કર્મચારીઓ અને કોંગ્રેસ પ્રમુખ સોમવાર સુધી મેનેજમેન્ટ દ્વારા કોઈ નિરાકરણ નહીં આવે તો લેબરકોર્ટ અને લેબર કમિશનર ઓફિસે કોંગ્રેસ પ્રમુખ સહિત કર્મચારીઓ જશે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
