Surendranagar: સુરેન્દ્રનગરના મકાનમાં ચાલતા જુગારધામ પર જિલ્લા LCB ની ટીમે દરોડો પાડયો
સુરેન્દ્રનગર શહેરના દુધરેજ પાસે આવેલ નર્મદા કેનાલથી મુળચંદ તરફ જવાના રસ્તે રહેણાક મકાનમાં જુગારની બાતમીને આધારે એલસીબી ટીમે રેડ કરી હતી. જેમાં મકાન માલીક સહિત 8 શખ્સો રૂ. 60,500ની મત્તા સાથે ઝડપાયા છે. સુરેન્દ્રનગર એલસીબી ટીમને દુધરેજ કેનાલથી મુળચંદ તરફ જવાના રસ્તે વૃધ્ધાશ્રામ પાછળ રહેતો રમજાન મહેબુબભાઈ રફાઈ તેના રહેણાક મકાને બહારથી માણસો બોલાવી જુગાર રમાડતો હોવાની બાતમી મળતા એલસીબી ટીમના અશ્વીનભાઈ, મેહુલભાઈ સહિતનાઓએ રેડ કરી હતી. જેમાં ગંજીપાનાનો જુગાર રમતા મકાન માલીક રમજાન રફાઈ, મહેબુબ રહેમાનભાઈ કટીયા, દાઉદ ગુલાબભાઈ જામ, આદીલ યુનુસભાઈ ખલીફા, સુલેમાન હનીફભાઈ મોવર, સલીમ ઈકબાલભાઈ મનસુરી, રીયાઝ રજાકભાઈ ચૌહાણ અને અસલમ ઈકબાલભાઈ મનસુરી ઝડપાયા હતા. આ શખ્સો પાસેથી રોકડા રૂપીયા 30,500, રૂપીયા 30 હજારના 6 મોબાઈલ ફોન મળી રૂપીયા 60,500ની મત્તા જપ્ત કરાઈ છે. આ અંગે એ ડીવીઝન પોલીસ મથકે ફરિયાદ નોંધાતા વધુ તપાસ પીએસઆઈ બી.એલ.ઝાલા ચલાવી રહ્યા છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
