Community News & Updates

Stay informed with the latest happenings, achievements, and announcements from our community.

All News

calendar_today April 30, 2026

Gujarat School Summer Vacation 2026: આ તારીખે શરૂ થશે શાળાનું ઉનાળુ વેકેશન, જાણો કેટલા દિવસની મળશે રજા?

ગુજરાતના શિક્ષણ વિભાગ દ્વારા રાજ્યની તમામ શાળાઓમાં ઉનાળુ વેકેશનને લઈ સત્તાવાર પત્ર જાહેર કરવામાં આવ્યો છે. કાળઝાળ ગરમીની શરૂઆત વચ્ચે વિદ્યાર્થીઓ અને વાલીઓ જેની રાહ જોઈ રહ્યા હતા તે વેકેશનની તારીખો હવે સ્પષ્ટ થઈ ગઈ છે.35 દિવસનું રહેશે વેકેશન શિક્ષણ વિભાગના જણાવ્યા અનુસાર, આગામી 4 મેથી રાજ્યની તમામ શાળાઓમાં ઉનાળુ વેકેશનનો પ્રારંભ થશે. આ વેકેશન કુલ 35 દિવસનું રહેશે, જેનો લાભ લાખો વિદ્યાર્થીઓ અને શિક્ષકોને મળશે. વેકેશન દરમિયાન શૈક્ષણિક કાર્ય સંપૂર્ણપણે બંધ રહેશે. ક્યારે ખુલશે શાળાઓ? વેકેશન પૂર્ણ થયા બાદ, 8 જૂનથી રાજ્યમાં નવા શૈક્ષણિક સત્રનો પ્રારંભ થશે. એટલે કે 7 જૂન સુધી વેકેશન રહેશે અને 8 જૂનથી શાળાઓ ફરી ધમધમતી થશે. શિક્ષણ વિભાગે આ અંગે તમામ જિલ્લા શિક્ષણાધિકારીઓને જાણ કરી દીધી છે. વેકેશનની શરૂઆત: 4 મે વેકેશનનો અંત: 7 જૂન કુલ દિવસો: 35 દિવસ નવું સત્ર: 8 જૂનથી શરૂ આ પણ વાંચો - Gujarat local body election result 2026: દાહોદમાં લોહિયાળ જંગ, વિજય સરઘસમાં ભાજપના વિજેતા ઉમેદવાર પર જીવલેણ હુમલો

Read Full Story arrow_forward

calendar_today April 30, 2026

Operation Sindoor: લાંબી લડાઇ માટે તૈયાર હતું ભારત..રાજનાથ સિંહનો મોટો ખુલાસો

ગુરુવારે રાજધાની નવી દિલ્હીમાં આયોજિત એક કાર્યક્રમમાં બોલતા, સંરક્ષણ પ્રધાન રાજનાથ સિંહે જણાવ્યું હતું કે ભારતે પોતાની શરતો પર ઓપરેશન સિંદૂર બંધ કર્યું છે અને જો જરૂરી હોય તો, લાંબા સંઘર્ષ માટે સંપૂર્ણપણે તૈયાર છે. તેમણે ટિપ્પણી કરી, "અમે આ ઓપરેશન સ્થગિત કર્યું નથી કારણ કે અમારી ક્ષમતાઓ ઓછી થઈ ગઈ હતી.  તેના બદલે, અમે તેને અમારી પોતાની ઇચ્છાથી અને અમારી પોતાની શરતો પર અટકાવ્યું હતું. જો જરૂર ઊભી થઈ, તો અમે લાંબા યુદ્ધ માટે સંપૂર્ણપણે તૈયાર હતા. પરમાણુ હુમલાની ધમકી સામે ઝૂક્યુ નહી ભારત- રાજનાથ સિંહ રાજનાથ સિંહે વધુમાં નોંધ્યું કે તે સમયે, ભારતને પરમાણુ હુમલાની ધમકીઓ પણ આપવામાં આવી હતી. જોકે અમે તેમની ધાકધમકી સામે ઝૂક્યા નહીં. ભારતે તે ધમકીઓને સ્પષ્ટપણે નકારી કાઢી હતી અને રાષ્ટ્રીય હિત માટે જે જરૂરી માનવામાં આવતું હતું તે  કર્યું. આ આધુનિક વિશ્વનું 'નવું ભારત' છે. આ વલણ દ્વારા ભારત વૈશ્વિક સમુદાયને સ્પષ્ટ સંદેશ મોકલી રહ્યું છે આતંકવાદીઓ અને તેમને મદદ કરનારાઓ વચ્ચે કોઈ ભેદભાવ કરવામાં આવશે નહીં. 'ભય વિના પ્રેમ નહીં' આ જ કાર્યક્રમ દરમિયાન રાજનાથ સિંહે અવલોકન કર્યું કે ઓપરેશન સિંદૂરને નિવારણ સ્થાપિત કરવાના, શક્તિ પ્રદર્શન દ્વારા ભય પેદા કરવાના ઉત્તમ ઉદાહરણ તરીકે ટાંકી શકાય છે. એક જાણીતી કહેવત છે કે ડર વિના પ્રેમ નથી. જેનો અર્થ એ છે કે ભયની ગેરહાજરીમાં  ન તો આદર કે ન તો શાંતિ ટકાવી શકાય છે. આ સિદ્ધાંત આંતરરાષ્ટ્રીય સંબંધોના ક્ષેત્રમાં પણ એટલો જ સાચો છે. શાંતિ અને સ્થિરતા ત્યારે જ સ્થાપિત થાય છે જ્યારે કોઈ રાષ્ટ્ર પાસે પ્રચંડ શક્તિ હોય અને તેમાં નિરોધની ભાવના હોય. તેમણે ભારપૂર્વક જણાવ્યું હતું કે જ્યાં સુધી આતંકવાદ ચાલુ રહેશે, ત્યાં સુધી તે આપણી સામૂહિક શાંતિ, વિકાસ અને સમૃદ્ધિ માટે પડકાર ઉભો કરશે. ઘણી વાર, ધાર્મિક ઢબમાં છુપાવીને અથવા તેને હિંસક વિચારધારા સાથે જોડીને આતંકવાદને કાયદેસર બનાવવાના પ્રયાસો કરવામાં આવે છે. આ એક અત્યંત ખતરનાક વલણ છે.  તે આતંકવાદીઓને 'કવર ફાયર' પૂરું પાડવા સમાન છે, જેનાથી તેઓ તેમની નાપાક પ્રવૃત્તિઓ ચાલુ રાખી શકે છે.ઓપરેશન સિંદૂર કદાચ ફક્ત 72 કલાકમાં પૂર્ણ થયું હશે, પરંતુ હું સ્પષ્ટ કરવા માંગુ છું કે, તેની પાછળની તૈયારીઓ ખૂબ લાંબી હતી. જેમ મેં હમણાં કહ્યું તેમ, જો જરૂર પડે તો અમે લાંબા યુદ્ધ માટે સંપૂર્ણપણે તૈયાર છીએ. અમારી સર્જ ક્ષમતા, અમારી સ્ટોરેજ ક્ષમતા, અમારા સ્વદેશી શસ્ત્રોની વિશ્વસનીયતા - આ બધું આજે અમારા નિવારણનો ભાગ બની ગયું છે." આ પણ વાંચો- હાથમાં ત્રિશૂલ અને ડમરુ..કપાળે ત્રિપુંડ..બાબા વિશ્વનાથના શરણે PM Modi

Read Full Story arrow_forward

calendar_today April 30, 2026

Morbi: વ્યાજખોરીના વિષચક્રમાં હોટેલ માલિક હોમાયા, મકાન અને ચેક પડાવી લેનાર 7 વ્યાજખોરો સામે એ-ડિવિઝન પોલીસની કાર્યવાહી

મોરબી શહેરમાં વ્યાજખોરોનો ત્રાસ દિન-પ્રતિદિન વધતો જાય છે. તાજેતરની ઘટનામાં મોરબીના જાણીતા હોટેલ માલિક અશ્વિનભાઈ બોપલીયાએ 7 વ્યાજખોરોના અસહ્ય ત્રાસથી કંટાળીને ગળેફાંસો ખાઈ આત્મહત્યા કરી લેતા ચકચાર મચી ગઈ છે. આ મામલે મૃતકના પુત્ર નિરવ બોપલીયાએ મોરબી સીટી એ-ડિવિઝન પોલીસ મથકમાં ફરિયાદ નોંધાવી છે.4ટકાથી 30 ટકા સુધીનું વ્યાજમૃતક અશ્વિનભાઈએ અલગ-અલગ શખ્સો પાસેથી નાણાં લીધા હતા. આરોપીઓ તેમની પાસેથી 4 ટકાથી લઈને 30 ટકા સુધીનું જંગી વ્યાજ વસૂલતા હતા. આટલું વ્યાજ ચૂકવવા છતાં વ્યાજખોરોની ભૂખ સંતોષાઈ ન હતી અને તેઓએ પઠાણી ઉઘરાણી ચાલુ રાખી હતી.મકાન અને કોરા ચેક પડાવી લીધાઆરોપીઓએ દબાણ કરી અશ્વિનભાઈ પાસેથીમકાનનો દસ્તાવેજ પોતાના નામે કરાવી લીધો હતો.8 કોરા ચેક સહી કરાવીને પડાવી લીધા હતા.તેમનો મોબાઈલ પણ આંચકી લીધો હતો.આટલી મિલકતો પચાવી પાડ્યા બાદ પણ આરોપીઓ સતત વ્યાજની માંગણી કરીને માનસિક ટોર્ચર કરતા હતા, જેનાથી કંટાળીને અંતે હોટેલ માલિકે જીવન ટૂંકાવ્યું હતું.જેમના સામે ફરિયાદ નોંધાઈ તેવા આરોપીઓ1. ઈમરાન માડકીયા2. અજય ભટ્ટ3. ગીરીરાજ સિંહ ગોહિલ4. ભરત રબારી5. અજીત રાઠોડ6. વિપુલ રાઠોડ7. કિશન રબારીપોલીસ કાર્યવાહીમોરબી પોલીસે આ 7 આરોપીઓ સામે આત્મહત્યાની દુષ્પ્રેરણા અને મની લોન્ડરિંગના કાયદા હેઠળ ગુનો દાખલ કર્યો છે. પોલીસે તમામ આરોપીઓને પકડવા માટે અલગ-અલગ ટીમો બનાવીને ચક્રો ગતિમાન કર્યા છે.આ પણ વાંચો: Jamnagar: રણજીતસાગર રોડ પર લોહીયાળ ખેલ, યુવકની બોથડ પદાર્થ મારી કરપીણ હત્યા

Read Full Story arrow_forward