Community News & Updates

Stay informed with the latest happenings, achievements, and announcements from our community.

All News

calendar_today April 23, 2026

Ahmedabad : બાવળાના ઢેઢાળ વાસણામાં જૂની અદાવતમાં યુવક પર ધારિયા વડે જીવલેણ હુમલો

અમદાવાદ ગ્રામ્યના બાવળા તાલુકામાં આવેલા ઢેઢાળ વાસણા ગામે જૂની અદાવતનો ખાર રાખીને એક યુવક પર જીવલેણ હુમલો કરવામાં આવતા સમગ્ર પંથકમાં ચકચાર મચી ગઈ છે. ગામમાં રહેતા ઇન્દ્રજીત મકવાણા નામના યુવક પર તે જ ગામના કાળુ ચૌહાણ નામના શખ્સે અચાનક હુમલો કરીને તેને લોહીલુહાણ કરી દીધો હતો.અદાવતમાં હુમલો કર્યો પ્રાપ્ત માહિતી અનુસાર, ઇન્દ્રજીત મકવાણા અને કાળુ ચૌહાણ વચ્ચે લાંબા સમયથી જૂની અદાવત ચાલી રહી હતી. આ અદાવતનો બદલો લેવા માટે કાળુ ચૌહાણે ઇન્દ્રજીતને રસ્તામાં આંતરીને ધારિયા જેવા તીક્ષ્ણ હથિયારથી તેના પર આડેધડ હુમલો કર્યો હતો. હુમલાખોરે હુમલો કરતી વખતે બૂમો પાડીને ધમકી આપી હતી કે, "આજે તો તને જીવતો નહીં રહેવા દઉં." હુમલાને પગલે ઇન્દ્રજીતને શરીરે ગંભીર ઈજાઓ પહોંચી હતી. પોલીસ તપાસ શરૂ લોહીલુહાણ હાલતમાં ઇજાગ્રસ્ત યુવકને તાત્કાલિક ધોરણે નજીકની હોસ્પિટલમાં સારવાર અર્થે ખસેડવામાં આવ્યો છે. ઘટનાની જાણ થતા જ બાવળા પોલીસનો કાફલો ઘટનાસ્થળે અને હોસ્પિટલ દોડી ગયો હતો. પોલીસે ઇન્દ્રજીતની ફરિયાદના આધારે આરોપી કાળુ ચૌહાણ વિરુદ્ધ ગુનો નોંધી તેને ઝડપી લેવા માટે ચક્રો ગતિમાન કર્યા છે. હાલ ગામમાં કોઈ અનિચ્છનીય બનાવ ન બને તે માટે પોલીસ દ્વારા સતત પેટ્રોલિંગ કરવામાં આવી રહ્યું છે. આ પણ વાંચો---    Ahmedabadમાં ગાયના શુદ્ધ ઘી ના નામે વેચાતા ઝેરનો પર્દાફાશ, 400 કિલો નકલી ઘી નો જથ્થો જપ્ત

Read Full Story arrow_forward

calendar_today April 23, 2026

Local Body Elections 2026 : રાજકોટમાં ગર્જ્યા હર્ષ સંઘવી, પંજો, ઝાડુ અને સપાને ગુજરાત સામે શું વાંધો છે?

રાજકોટ ખાતે આજે નાયબ મુખ્યમંત્રી હર્ષ સંઘવીનો પ્રબુદ્ધ નાગરિકો સાથે સંવાદ યોજાયો હતો. આ કાર્યક્રમમાં હર્ષ સંઘવીએ પોતાના આગવા અંદાજમાં વિપક્ષી દળો પર આકરા પ્રહાર કરતા જણાવ્યું હતું કે, ગુજરાતને બદનામ કરવા માટે વિપક્ષો હંમેશા તૈયાર રહે છે. તેમણે સવાલ ઉઠાવ્યો હતો કે કોંગ્રેસ (પંજો), આમ આદમી પાર્ટી (ઝાડુ) અને સપા જેવા પક્ષોને ગુજરાત સામે શું વાંધો છે?ગુજરાતીઓની મહેનત અને વિકાસની વાત હર્ષ સંઘવીએ સંબોધનમાં ઉમેર્યું કે, ગુજરાતીઓએ રાત-દિવસ મહેનત કરીને સફળતા મેળવી છે. આજે રાજ્યના ખૂણેખૂણે અને ઘરે-ઘરે વીજળી તથા પાણી પહોંચી રહ્યા છે. વિપક્ષો પર કટાક્ષ કરતા તેમણે કહ્યું કે, જ્યારે કોઈ સારું કામ થતું હોય ત્યારે તેને હેરાન કરવા માટે 'ચૌદશ' આવતી જ હોય છે, એવી જ રીતે અમારી રાજનીતિમાં પણ બે-ચાર ચૌદશ નડવા આવે જ છે. વિવિધ શહેરોને દબાણ મુક્ત કરવામાં આવ્યા રાજ્યમાં ચાલી રહેલી કાયદો અને વ્યવસ્થાની કામગીરી અંગે વાત કરતા તેમણે કહ્યું કે, ગુજરાતના વિવિધ શહેરોને દબાણ મુક્ત કરવામાં આવ્યા છે. રાજકોટના જંગલેશ્વર વિસ્તારનો ઉલ્લેખ કરતા તેમણે ખાતરી આપી હતી કે, જંગલેશ્વરમાં દબાણ હટાવવાનું 70% કામ પૂર્ણ થઈ ગયું છે અને બાકીનું 30% કામ પણ ટૂંક સમયમાં પૂરું કરવામાં આવશે. આ કાર્યક્રમમાં રાજકોટના અગ્રણી નાગરિકો મોટી સંખ્યામાં હાજર રહ્યા હતા. આ પણ વાંચો---     Ahmedabadમાં ગાયના શુદ્ધ ઘી ના નામે વેચાતા ઝેરનો પર્દાફાશ, 400 કિલો નકલી ઘી નો જથ્થો જપ્ત

Read Full Story arrow_forward

calendar_today April 23, 2026

Sabarkantha News: તલોદના રામપુરા GIDCની આસપાસ કેમિકલયુક્ત પાણીનો કહેર, તપાસનો ધમધમાટ શરૂ

સાબરકાંઠા જિલ્લાના તલોદ તાલુકામાં આવેલી રામપુરા GIDC વિસ્તારની આસપાસના ગ્રામીણ વિસ્તારોમાં પ્રદૂષણની ગંભીર સમસ્યા ઉભી થઈ છે. GIDCની કંપનીઓ દ્વારા છોડવામાં આવતા કેમિકલયુક્ત ઝેરી પાણીને કારણે સ્થાનિક પર્યાવરણ અને ભૂગર્ભ જળ સ્તર જોખમમાં મુકાયા છે. યોગ્ય ટ્રીટમેન્ટ કર્યા વિના જ ઉદ્યોગો દ્વારા પાણી છોડાતા સ્થાનિક રહીશોમાં ભારે રોષ જોવા મળી રહ્યો છે.બોરવેલ અને કૂવાઓ બન્યા ઝેરીપ્રાપ્ત વિગતો અનુસાર, રામપુરા GIDCની આસપાસ આવેલા ખેતરોના કૂવાઓ અને પીવાના પાણીના બોરવેલનું પાણી હવે રંગીન અને વાસ મારતું થઈ ગયું છે. ઉદ્યોગોના ઝેરી કેમિકલ જમીનમાં ઉતરતા ભૂગર્ભ જળ પ્રદૂષિત બન્યું છે, જેના કારણે લોકોને પીવાનું શુદ્ધ પાણી મળવું મુશ્કેલ બન્યું છે. આ દૂષિત પાણીના વપરાશથી લોકોમાં ચામડીના રોગો અને અન્ય ગંભીર બીમારીઓ ફેલાવાની ભીતિ સેવાઈ રહી છે. સ્થાનિકોની આક્રોશપૂર્ણ રજૂઆત સ્થાનિકો દ્વારા વારંવાર લેખિત અને મૌખિક ફરિયાદો કરવામાં આવી હોવા છતાં કોઈ નક્કર કાર્યવાહી ન થતા આખરે વિવાદ વધ્યો હતો. જેના પગલે ગુજરાત પ્રદૂષણ નિયંત્રણ બોર્ડ (GPCB) ની ટીમે તલોદની વિવિધ કંપનીઓમાં તપાસ હાથ ધરી છે. GPCB દ્વારા અલગ-અલગ પ્લાન્ટ્સ અને અસરગ્રસ્ત વિસ્તારોમાંથી પાણીના નમૂના (સેમ્પલ) લેવામાં આવ્યા છે. ગ્રામજનોની માંગ છે કે પ્રદૂષણ ફેલાવતી કંપનીઓ સામે કડક કાયદેસરની કાર્યવાહી કરવામાં આવે અને પ્રદૂષણ અટકાવવા માટે કાયમી ઉકેલ લાવવામાં આવે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward