Dabhoi: રાજલી ગામ પાસે થતી પાણી ચોરી તંત્ર દ્વારા તાકીદના ધોરણે અટકાવાઈ
ડભોઇ તાલુકાના રાજલી ગામ પાસે પીવાના પાણીના વાલ્વમાંથી થતી મફત પાણીની ચોરી તંત્રએ બંધ કરાવી હતી. દૈનિક સંદેશમાં અહેવાલ પ્રસિદ્ધ થતાં જ તંત્ર દ્વારા તાબડતોબ કાર્યવાહી હાથ ધરવામાં આવી હતી. ડભોઇ તાલુકાના રાજલી ગામ પાસેથી પસાર થતી પીવાના પાણીની મુખ્ય લાઇન પર લાંબા સમયથી ચાલી રહેલી પાણીચોરીનો પર્દાફાશ થયો છે. દૈનિક સંદેશ દ્વારા આ ગંભીર મુદ્દે અહેવાલ પ્રસિદ્ધ કરાતા જ નિદ્રાધીન પાણી પુરવઠા વિભાગ સફાળું જાગ્યું હતું અને માત્ર 24 કલાકમાં જ કડક કાર્યવાહી હાથ ધરી હતી. રાજલી ગામ પાસે આવેલી કેટલીક હોટલોના સંચાલકો દ્વારા સરકારી પીવાના પાણીના વાલ્વમાં ગેરકાયદેસર રીતે પ્લાસ્ટિકની પાઈપો અને કોથળીઓ ભરાવીને લાંબા સમયથી મફત પાણી મેળવવામાં આવતું હતું. આ પાણીચોરીના કારણે આસપાસના ગામડાઓને મળતા પાણીના પ્રેશરમાં ઘટાડો થતો હતો અને સરકારી મિલકતનો દુરુપયોગ થઈ રહ્યો હતો. સ્થાનિક સંદેશ પેપર માં અહેવાલ પ્રસ્તુત થતાની સાથે જ પાણી પુરવઠા વિભાગના અધિકારીઓ ઘટના સ્થળે દોડી આવ્યા હતા. તંત્રએ તાબડતોબ વાલ્વમાં નાખેલી પ્લાસ્ટિકની થેલીઓ અને ટોટીઓ બહાર કાઢી લીધી હતી.ગેરકાયદેસર કનેક્શન કાપીને લાઇનને પૂર્વવત કરી હતી. ભવિષ્યમાં આવી ચોરી ન થાય તે માટે કડક સૂચનાઓ આપી હતી. અત્યાર સુધી અધિકારીઓની મિલીભગત કે નિષ્કાળજીના કારણે આ હોટલવાળાઓ બેફામ બન્યા હતા, પરંતુ દૈનિક સંદેશ પેપરે અવાજ ઉઠાવતા જ તંત્રએ કામગીરી કરવી પડી છે. સ્થાનિકોમાં એવી પણ ચર્ચા છે કે પાણી પુરવઠા વિભાગના નીચલા સ્તરના કર્મચારીઓની મિલીભગત વગર આટલા લાંબા સમય સુધી પાણીચોરી શક્ય નથી. સંદેશ પેપરની આ સતર્કતાને કારણે સરકારી તિજોરીને થતું નુકસાન અટક્યું છે. આ કાર્યવાહીથી ગેરકાયદે પાણી વાપરતા અન્ય તત્વોમાં પણ ફ્ફ્ડાટ વ્યાપી ગયો છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
