Community News & Updates

Stay informed with the latest happenings, achievements, and announcements from our community.

All News

calendar_today April 9, 2026

Gandhinagar : ગુજરાત પોલીસ હવે સાયબર માફિયાઓ પર ત્રાટકશે, DGP કે.એલ.એન રાવે આપ્યો 'પ્રોએક્ટિવ' લડતનો મંત્ર

ડિજિટલ યુગમાં વધતા જતા સાયબર ફ્રોડ અને ઓનલાઇન ઠગાઈના બનાવોને ડામવા માટે ગુજરાત પોલીસ હવે રક્ષણાત્મક નહીં પણ આક્રમક અભિગમ અપનાવશે. ગાંધીનગર પોલીસ ભવન ખાતે રાજ્યના પોલીસ મહાનિદેશક (DGP) ડૉ. કે.એલ.એન રાવના અધ્યક્ષસ્થાને ‘સાયબર સેન્ટર ઓફ એક્સેલન્સ’ની એક ઉચ્ચ સ્તરીય સમીક્ષા બેઠક યોજાઈ હતી. જેમાં નવનિયુક્ત પોલીસ ઇન્સ્પેક્ટરોને સાયબર ગુનેગારો સામે ટેકનોલોજીના શસ્ત્રથી લડવા ખાસ માર્ગદર્શન અપાયું હતું. ડિજિટલ ફ્રોડ અંગે વિસ્તૃત ચર્ચા DGP ડૉ. રાવે બેઠકમાં સ્પષ્ટ જણાવ્યું હતું કે, સાયબર ગુનાઓમાં ગુનેગાર હંમેશા ટેકનોલોજીનો ઉપયોગ કરીને એક ડગલું આગળ રહેવાનો પ્રયાસ કરે છે, ત્યારે પોલીસે 'પ્રોએક્ટિવ અભિગમ' કેળવીને ગુનો બને તે પહેલા જ તેને રોકવા અથવા બન્યા બાદ ત્વરિત કાર્યવાહી કરવી અનિવાર્ય છે. બેઠકમાં ડિજિટલ ફ્રોડ, સોશિયલ મીડિયાના ગુનાઓ અને નવી મોડસ ઓપરેન્ડી અંગે વિસ્તૃત ચર્ચા કરવામાં આવી હતી. પીડિતોને નાણાં પરત અપાવવા પર ભાર બેઠક દરમિયાન સાયબર હેલ્પલાઇન 1930ની કામગીરીની સમીક્ષા કરવામાં આવી હતી. નાણાકીય છેતરપિંડીના કિસ્સામાં ગોલ્ડન અવરમાં ટ્રાન્ઝેક્શન અટકાવી પીડિતોને રિફંડ અપાવવાની પ્રક્રિયા વધુ ઝડપી બનાવવા સૂચના અપાઈ હતી. આ ઉપરાંત, ડેટા એનાલિટિક્સ અને ડિજિટલ ફોરેન્સિક્સ જેવા આધુનિક સાધનોના ઉપયોગ દ્વારા રિયલ-ટાઇમ ઇન્ટેલિજન્સ એકત્ર કરવા પર ભાર મૂકાયો હતો. શાળાઓ અને કોલેજોમાં જાગૃતિ અભિયાન માત્ર તપાસ જ નહીં, પરંતુ અટકાયત પણ જરૂરી છે તે હેતુથી DGPએ શાળાઓ, કોલેજો અને સોશિયલ મીડિયાના માધ્યમથી વ્યાપક સાયબર જાગૃતિ અભિયાન ચલાવવા આદેશ આપ્યા છે. નવનિયુક્ત અધિકારીઓને સમયબદ્ધ રીતે ફરિયાદોનો નિકાલ કરવા અને સાયબર સેન્ટરને એક 'આદર્શ કેન્દ્ર' તરીકે વિકસાવવા માટે પ્રોત્સાહિત કરવામાં આવ્યા હતા. આ પણ વાંચો----     Surendranagar : નાયબ મામલતદાર ચંદ્રસિંહ મોરી પાસે 1.22 કરોડની અપ્રમાણસર મિલકત મળતા ખળભળાટ, ACB એ નોંધ્યો ગુનો

Read Full Story arrow_forward

calendar_today April 9, 2026

Vav Tharad જિલ્લા પંચાયતની ચૂંટણીને લઇ પૂર્વ ધારાસભ્ય શિવા ભુરીયાનું નિવેદન, અમે હજુ સુધી કોઈ ઉમેદવારોને જાહેર નથી કર્યા

વાવ થરાદ જિલ્લામાં સ્થાનિક સ્વરાજની ચૂંટણીનો જંગ જામ્યો છે ત્યારે ઉમેદવારી ફોર્મ ભરવાને લઈને રાજકીય ગરમાવો જોવા મળી રહ્યો છે. દિયોદર તાલુકા પંચાયતની 22 બેઠકો અને જિલ્લા પંચાયતની 5 બેઠકો માટે ઉમેદવારોએ ફોર્મ ભરવાની પ્રક્રિયા શરૂ કરી દીધી છે. જોકે, આ દરમિયાન દિયોદરના પૂર્વ ધારાસભ્ય અને કોંગ્રેસના દિગ્ગજ નેતા શિવાભાઈ ભુરીયાનું એક સૂચક નિવેદન સામે આવ્યું છે, જેનાથી રાજકીય ચર્ચાઓ તેજ થઈ છે.કોઈ પણ ઉમેદવારના નામની જાહેરાત કરાઇ નથી શિવાભાઈ ભુરીયાએ સ્પષ્ટતા કરતા જણાવ્યું હતું કે, હાલમાં જે ઉમેદવારો ફોર્મ ભરી રહ્યા છે તેઓ પોતાની રીતે સ્વૈચ્છિક રીતે ફોર્મ ભરી રહ્યા છે. પાર્ટી દ્વારા હજુ સુધી સત્તાવાર રીતે કોઈ પણ ઉમેદવારના નામની જાહેરાત કરવામાં આવી નથી કે હાઈકમાન્ડ તરફથી કોઈ ચોક્કસ સૂચના મળી નથી. તેમણે ઉમેર્યું કે, કોંગ્રેસ પક્ષ પ્રક્રિયા મુજબ યોગ્ય સમયે પોતાના સત્તાવાર ઉમેદવારોની યાદી જાહેર કરશે. પ્રજા પરિવર્તન ઈચ્છી રહી જોકે, આ નિવેદનની સાથે જ તેમણે વિજયનો વિશ્વાસ વ્યક્ત કરતા જણાવ્યું હતું કે, બનાસકાંઠાના મતદારોમાં આ વખતે પ્રજા પરિવર્તન ઈચ્છી રહી છે. દિયોદર તાલુકા અને જિલ્લા પંચાયતની બેઠકો પર કોંગ્રેસના ઉમેદવારો જંગી બહુમતીથી જીતશે તેવો દાવો પણ તેમણે કર્યો હતો. કોંગ્રેસના કાર્યકરોમાં ફોર્મ ભરવાને લઈને જે ઉત્સાહ જોવા મળી રહ્યો છે તે આગામી પરિવર્તનના સંકેત હોવાનું ભુરીયાએ ઉમેર્યું હતું.આ પણ વાંચો----     Surendranagar : નાયબ મામલતદાર ચંદ્રસિંહ મોરી પાસે 1.22 કરોડની અપ્રમાણસર મિલકત મળતા ખળભળાટ, ACB એ નોંધ્યો ગુનો

Read Full Story arrow_forward

calendar_today April 9, 2026

Bharuch : અંકલેશ્વર વોર્ડ નં. 8માં કોંગ્રેસના ઉમેદવારોની પેનલે ફોર્મ ભર્યા

ગુજરાતમાં સ્થાનિક સ્વરાજ્યની સંસ્થાઓના ચૂંટણી જંગનું રણશિંગુ ફૂંકાઈ ચૂક્યું છે, ત્યારે ભરૂચ જિલ્લામાં ઉમેદવારી પત્રો ભરવાના પ્રથમ દિવસે જ રાજકીય માહોલ ગરમાયો છે. અંકલેશ્વર નગર સેવા સદનના વોર્ડ નંબર 8 ના ઉમેદવારોએ આજે વાજતે-ગાજતે પ્રાંત અધિકારીની કચેરીએ પહોંચી પોતાના ઉમેદવારી પત્રો રજૂ કરીને ચૂંટણીના શ્રીગણેશ કર્યા હતા.વોર્ડ નંબર 8 માંથી 4 ઉમેદવારોએ ફોર્મ ભર્યા અંકલેશ્વરના રાજકારણમાં જેની પર સૌની નજર છે તેવા વોર્ડ નંબર 8 માંથી જહાંગીર પઠાણ, બખ્તિયાર પટેલ, સીતાબેન વસાવા અને શબનમ મલેકે ઉમેદવારી ફોર્મ ભર્યા છે. ફોર્મ ભર્યા બાદ મીડિયા સાથેની વાતચીતમાં આ ઉમેદવારોએ કોંગ્રેસની જીતનો મક્કમ આશાવાદ વ્યક્ત કર્યો હતો. તેમણે જણાવ્યું હતું કે, શહેરના પાયાના પ્રશ્નો અને જનતાની સુખાકારી માટે તેઓ કટિબદ્ધ છે. બખતીયાર પટેલે કોંગ્રેસમાંથી ફોર્મ ભર્યું અત્રે ઉલ્લેખનીય છે કે, ઉમેદવાર બખ્તિયાર પટેલે ગત ચૂંટણીમાં તેમણે અપક્ષ તરીકે ચૂંટણી લડીને ભવ્ય વિજય મેળવ્યો હતો અને ત્યારબાદ કોંગ્રેસને ટેકો જાહેર કર્યો હતો. આ વખતે તેઓ સત્તાવાર રીતે કોંગ્રેસના બેનર હેઠળ મેદાનમાં ઉતરતા વોર્ડ નંબર 8 નો જંગ રસપ્રદ બનશે. આ પણ વાંચો----      Surendranagar : નાયબ મામલતદાર ચંદ્રસિંહ મોરી પાસે 1.22 કરોડની અપ્રમાણસર મિલકત મળતા ખળભળાટ, ACB એ નોંધ્યો ગુનો

Read Full Story arrow_forward