Himatnagar: સાબરકાંઠા જિલ્લામાં ચૈત્રી પૂનમ, હનુમાન જયંતિની ઉજવણી કરાઇ
સાબરકાંઠા જિલ્લામાં ગુરૂવારે હનુમાન જયંતિ અને ચૈત્રી પૂનમ એક જ દિવસે હોવાને કારણે હિંમતનગર સહિત જિલ્લાના વિવિધ સ્થળે બન્ને પર્વની ઉત્સાહભેર ઉજવણી કરાઇ હતી. ખેડબ્રહ્મા ખાતે આવેલ અંબાજી માતાના મંદિરમાં ચૈત્રી પૂનમ નિમિત્તે ગુરૂવારે વહેલી સવારથી જ દર્શન માટે માઇ ભકતોએ લાઇનો લગાવી દીધી હતી. તો બીજી તરફ હિંમતનગરના કાંકણોલ ખાતે હનુમાન જયંતિ નિમિત્તે પ્રસંગને અનુરૂપ ધાર્મિક કાર્યક્રમોનું સફળ આયોજન કરાયું હતુ.હનુમાન જયંતિ નિમિત્તે હિંમતનગરના કાંકણોલ પાસે આવેલ નરસિંહધામ પ્રાગટય ધામમાં અનેક ભકતોએ નરસિંહદાદાના સાનિધ્યમાં અમૃતવાણીનો લાભ લીધો હતો. જેમાં સંતોની ઉપસ્થિતમાં નરસિંહદાદાએ જણાવ્યુ હતુ કે, હે સાધકો, હે મુમુક્ષો, સત્ય, આત્મા, ધર્મમાં રહો તેનું જ આચરણ કરો, જાતે જ નિષ્ઠાવાન, સિલવાન અને સમાધિવાન બનો તેજ આત્મકલ્યાણનો માર્ર્ગ છે. આ ઉપરાંત હિંમતનગર, પ્રાંતિજ, તલોદ, ઇડર, વડાલી, ખેડબ્રહ્મા, વિજયનગર અને પોશીના પંથકમાં પણ ચૈત્રી પૂનમ અને હનુમાન જયંતિની ઉજવણી કરાઇ હતી. ઉજવણીના ભાગરૂપે પ્રાંતિજના રાસલોડીયા હનુમાન, હિંમતનગરના કટ્ટીધામ, દાદુપુર હનુમાનજી મંદિર, છાપરીયા અને ટાવર ચોક સ્થિત હનુમાનજી મંદિરમાં ભકતોએ ઉપસ્થિત રહી પૂજા અર્ચના કરી દાદાના દર્શન કર્યા બાદ ધન્યતા અનુભવી હતી. ઉપરાંત હિંમતનગર તાલુકાના સરોલી, વકતાપુર રોકડીયા હનુમાન મંદિર સહિત અન્ય સ્થળે પૂજા અર્ચના તથા સત્સંગના કાર્યક્રમો યોજાયા હતા. સલામતીના ભાગરૂપે પોલીસ તંત્ર દ્વારા બંદોબસ્ત ગોઠવવામાં આવ્યો હતો. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam
Read Full Story arrow_forward
