Community News & Updates

Stay informed with the latest happenings, achievements, and announcements from our community.

All News

calendar_today March 30, 2026

Khambhat: રંગરેજની આમલી વિસ્તારમાં મકાન અચાનક ધરાશાયી થતા દોડધામ

ખંભાત શહેરમાં રવિવારે સવારે રંગરેજની આમલી વિસ્તારમાં એક મકાન અચાનક ધરાશાયી થવાની ઘટનાએ સમગ્ર શહેરને ચોંકાવી દીધું છે. દુર્ઘટનામાં સદનસીબે કોઈ જાનહાનિ થઈ નથી, પરંતુ મકાનનો ભારે કાટમાળ રોડ પર ફેલાઈ જતાં વાહન વ્યવહાર સંપૂર્ણપણે ઠપ થઈ ગયો હતો. ઘટનાને પગલે આસપાસના વિસ્તારોમાં ભયનો માહોલ છવાઈ ગયો હતો.સ્થાનિક નાગરિકોના જણાવ્યા મુજબ શહેરમાં અનેક વિસ્તારોમાં જર્જરીત મકાનો હોય આ અંગે આસપાસના રહીશો દ્વારા વારંવાર અરજીઓ કરવામાં આવી છે. તેમ છતાં પણ આજદિન સુધીમાં નગરપાલિકા દ્વારા આ અરજીઓનો નિકાલ કરવામાં આવતો નથી. ખંભાત શહેરમાં છેલ્લા ઘણા સમયથી બિનપરવાગી બાંધકામ, ગેરકાયદે દબાણ અને જોખમી માળખાકીય કામો ખુલ્લેઆમ ચાલી રહ્યા છે. આ મુદ્દે અનેક જાગૃત નાગરિકોએ ખંભાત પાલિકાની દબાણ શાખા તેમજ સંબંધિત વિભાગોમાં વારંવાર લેખિતમાં રજૂઆતો કરવા છતાંય સ્થિતિ જૈસે થેની રહેતા રોષની લાગણી વ્યાપી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 30, 2026

Dahegam: 47 કોલ્ડસ્ટોરેજ બટાટાથી હાઉસફૂલ

દહેગામ તાલુકામાં આવેલા 47 જેટલા કોલ્ડસ્ટોરેજ આગળ હવે હાઉસફુલના પાટીયા વાગ્યા છે અને બટાટાની આવક પણ હવે મંદ પડી ગઇ છે. મોટા ભાગનો પાક સ્ટોરેજ થઇ ગયો છે અને ખેતરોમાથી નીકળી ગયો છે. એક અંદાજ મુજબ 98 ટકા બટાટા સ્ટોર થઇ ગયા હોવાનો અંદાજ છે. બટાટાની આવક મામલે મળતા આંકડા મુજબ દહેગામ તાલુકાના 47 જેટલા કોલ્ડ સ્ટોરેજોમાં 90 લાખ કટ્ટાની આવક થઇ છે અને તમામ સ્ટોરેજ હાઉસફુલ થઇ ગયા છે. આ વર્ષે ગત વર્ષની સરખામણીમાં અધધ આવક થઇ હોવાની વિગતો છે. ગત વર્ષે આંકડો 75 થી 80 લાખ કટ્ટાની આવક સુધી પહોંચ્યો હતો.ક્રીષ્ણા કોલ્ડ સ્ટોરેજના સંચાલક પીનાકીનભાઇના જણાવ્યા મુજબ આગામી એક મહીના સુધી હવે કોલ્ડસ્ટોરેજના ગેટ બંધ રહેશે અને સતત 1 મહિના સુધી સ્ટોર કરવામાં આવેલા બટાટાની લાખો બોરીઓમાં ટેમ્પરેચર મેઇનટેન કરાશે. આગામી એપ્રિલના છેલ્લા સપ્તાહ સુધી સ્ટોરેજને સંજ્જડ બંધ રાખવામાં આવનાર છે. બટાટાની મોટા ભાગની આવક પુરી થઇ જતા હવે સ્ટોરેજ સંચાલકોએ રાહતનો શ્વાસ લીધો છે. બે મહિના સુધી બટાટાની આવક શરુ થઇ હતી જેને લઇને ભારે દોડધામ રહેતી હોય છે. આ વર્ષે પુષ્કળ આવક થઇ છે અને ગત વર્ષના તમામ રેકોર્ડ બટાટાની પુષ્કળ આવકથી તુટી ગયા છે. બિયારણના બટાટા પંજાબથી સ્ટોર થવા દહેગામ આવે છે અને આ આંકકો 2.50 લાખ કટ્ટાનો છે એટલે કે અઢી લાખ કટ્ટા પંજાબથી માત્ર બિયારણના જ સ્ટોરેજ થયા છે. આમ બટાટાના માન્ચેસ્ટરની ઉપમાં હવે દહેગામ બનતુ જાય છે. દહેગામ ખાતે નજીકના સીમાવર્તી જિલ્લાઓ અરવલ્લી. સાબરકાંઠા, મોડાસા સુધીના બટાટાનો જથ્થો કોલ્ડસ્ટોરેજમાં સંગ્રહ માટે આવતો હોવાની વિગતો છે. ભરપુર ઉત્પાદન વચ્ચે બટાટાના ભાવે આ વર્ષે ખેડુતોને રાતા પાણીએ રોવડાવ્યા પણ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 29, 2026

Ankleshwar: દીવા રોડ પરથી શંકાસ્પદ સળિયા ભરેલી બોલેરો કેમ્પર ગાડી ઝડપી

અંકલેશ્વર : અંકલેશ્વરના જુના બોરભાઠા બેટ ગામની સીમમાં ચાલી રહેલા બુલેટ ટ્રેનના કામના સ્થળેથી લોખંડના સળિયાના ટુકડા ભરીને બે ઈસમો બોલેરો કેમ્પર ગાડીમાં અંકલેશ્વર તરફ આવવાના છે. આ બાતમીના આધારે, અંકલેશ્વર એ ડિવિઝન પોલીસે દીવા રોડ પર આવેલી ઓરેન્જ સિટી નજીક વોચ ગોઠવી હતી. વોચ દરમિયાન, બાતમીવાળી ગાડી આવતા પોલીસે તેને અટકાવી હતી. કેમ્પરના ડાલામાં તપાસ કરતા તેમાંથી 990 કિલો જૂના લોખંડના સળિયાનો જથ્થો મળી આવ્યો હતો. ગાડીમાં બેઠેલા બે ઈસમો પાસેથી ભંગારના જથ્થા અંગે જરૂરી પુરાવા માંગવામાં આવતા તેઓ સંતોષકારક જવાબ આપી શક્યા ન હતા. પોલીસે રૂ. 39 હજારથી વધુનો ભંગારનો જથ્થો, બે મોબાઈલ ફેન અને ગાડી મળી કુલ રૂ. 5.49 લાખનો મુદ્દામાલ કબજે કર્યો હતો.પોલીસે રાજસ્થાનના સિકર ખાતે રહેતા કમલ ગોપાલલાલ કુમાવત અને અરુણગિરી વીરેન્દ્ર ગિરીની ધરપકડ કરી છે.આ જથ્થો ક્યાંથી લાવવામાં આવ્યો હતો તે સહિતની વધુ વિગતો મેળવવા પોલીસે તપાસનો ધમધમાટ શરૂ કર્યો છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward