Community News & Updates

Stay informed with the latest happenings, achievements, and announcements from our community.

All News

calendar_today March 27, 2026

Rajkot: બસ સ્ટેન્ડ પાસે ખાનગી સ્કૂલ બસની બ્રેક ફેલ થતા અકસ્માત, ઉભેલી કારને અડફેટે લેતા બે વ્યક્તિ ગંભીર ઈજાગ્રસ્ત

જામકંડોરણા તાલુકા મથકે આજે બપોરના સમયે એક અકસ્માતની ઘટના સામે આવી છે. જામકંડોરણા બસ સ્ટેન્ડ જેવા વ્યસ્ત વિસ્તારમાં એક ખાનગી સ્કૂલની બસે રસ્તા પર ઉભેલી કારને જોરદાર ટક્કર મારતા ભારે ચકચાર મચી ગઈ હતી. આ અકસ્માતમાં કારમાં સવાર બે વ્યક્તિઓને ગંભીર ઈજાઓ પહોંચી છે.બસે રસ્તા પર ઉભેલી કારને ટક્કર મારીમળતી માહિતી મુજબ, જામકંડોરણા બસ સ્ટેન્ડ પાસે એક કાર ઉભી હતી, જેમાં મુસાફરો બેઠેલા હતા. આ દરમિયાન પુરપાટ ઝડપે આવી રહેલી એક ખાનગી સ્કૂલની બસે અચાનક આ કારને અડફેટે લીધી હતી. ટક્કર એટલી જોરદાર હતી કે કારને ભારે નુકસાન થયું હતું અને તેમાં બેઠેલા આશરે બે વ્યક્તિઓને શરીરે ગંભીર ઈજાઓ પહોંચી હતી. સ્થાનિક લોકોએ તાત્કાલિક દોડી આવી ઈજાગ્રસ્તોને બહાર કાઢ્યા હતા અને સારવાર અર્થે હોસ્પિટલ ખસેડ્યા હતા.બ્રેક ફેલ થતા સર્જાયો અકસ્માતસ્થાનિકો પાસેથી મળતી પ્રાથમિક વિગતો મુજબ, સ્કૂલ બસની બ્રેક ફેલ થઈ ગઈ હતી. બ્રેક કામ ન કરતી હોવાથી ડ્રાઈવરે બસ પરથી કાબૂ ગુમાવી દીધો હતો, જેના પરિણામે આ અકસ્માત સર્જાયો હોવાનું અનુમાન છે. જોકે, સદનસીબે અકસ્માત સમયે બસમાં બાળકોની સંખ્યા ઓછી હતી અથવા કોઈ મોટી જાનહાનિ ટળી હતી, અન્યથા ગંભીર હોનારત સર્જાઈ શકત.આ પણ વાંચો: Khambhaliya: રામનગર રોડ પર કાર અને બાઈકનો અકસ્માત, પિતાનું મોત અને પુત્રી સારવાર હેઠળ

Read Full Story arrow_forward

calendar_today March 27, 2026

Sandesh Digital Impact: સંદેશ ડિજિટલના અહેવાલની ધારદાર અસર, ગુજરાતના ઉદ્યોગો માટે ઈંધણ ફાળવણીના નિયમોમાં સરકારે કર્યો મોટો સુધારો

વર્તમાન સમયમાં યુદ્ધને કારણે રાજ્યમાં ઈંધણના પુરવઠાને લઈને ચાલી રહેલી ખેંચતાણ વચ્ચે ઉદ્યોગ જગત માટે રાહતના સમાચાર આવ્યા છે. ખાસ કરીને કચ્છના ઔદ્યોગિક એકમોની રજૂઆત અને સંદેશ ડિજિટલ દ્વારા આ સમસ્યાને સતત વાચા આપ્યા બાદ, રાજ્યના અન્ન અને નાગરિક પુરવઠા વિભાગ દ્વારા ઈંધણ ફાળવણી અંગેના પરિપત્રમાં મહત્વનો સુધારો કરવામાં આવ્યો છે.શું હતો વિવાદ? અગાઉના પરિપત્ર મુજબ ખેડૂતો માટે 200 લીટર અને મોટા ઉદ્યોગો માટે માત્ર 1,000 લીટર ઈંધણ આપવા માટેની મર્યાદા નક્કી કરવામાં આવી હતી. આ મર્યાદા સામે ફેડરેશન ઓફ કચ્છ ઇન્ડસ્ટ્રીઝ એસોસિએશન (FOKIA)ના MD નિમિષ ફડકે દ્વારા મુખ્યમંત્રી અને નાયબ મુખ્યમંત્રીને પત્ર લખી ઉગ્ર વિરોધ નોંધાવવામાં આવ્યો હતો. ઉદ્યોગકારોનું કહેવું હતું કે, કચ્છ જેવા ઔદ્યોગિક જિલ્લામાં ખનીજ, મીઠા ઉદ્યોગ અને પરિવહન માટે આ જથ્થો અત્યંત ઓછો છે. આ અંગે સંદેશ ડિજિટલ દ્વારા સૌપ્રથમ આ સમાચારને પ્રસારિત કરીને FOKIAની રજૂઆતને વાચા આપવામાં આવી હતી. જેની હકારાત્મક અસર થઈ હતી. સરકારનો નવો સુધારા પરિપત્ર (તા 25-03-2026) ઉદ્યોગોની માંગણી સ્વીકારીને નિયામક, અન્ન અને નાગરિક પુરવઠા કચેરી દ્વારા તારીખ 25-03-2026 ના રોજ નવો સુધારા પરિપત્ર બહાર પાડવામાં આવ્યો છે. આ પરિપત્રમાં ઇન્ફ્રાસ્ટ્રક્ચર પ્રોજેક્ટ અને ઔદ્યોગિક એકમોની જરૂરિયાત મુજબ ડીઝલ ફાળવવા માટે નીચે મુજબના 4 મુખ્ય મુદ્દાઓ નક્કી કરવામાં આવ્યા છે. સરેરાશ વપરાશ: ડીઝલની ફાળવણી માટે ઉદ્યોગોનો છેલ્લા 6 માસનો સરેરાશ વપરાશ ધ્યાને લેવાનો રહેશે. સાધનો અને કામદારોની સંખ્યા: 6 માસ પૂર્વેની અને હાલની સાધનો તેમજ કામદારોની સંખ્યાના આધારે પ્રોરેટા મુજબ જરૂરિયાત નક્કી થશે. પંપ પર ન આવી શકે તેવા સાધનો: જે મશીનરી કે સાધનો પેટ્રોલ પંપ સુધી લાવી શકાય તેમ ન હોય, તેની જરૂરિયાત માટે જ ડીઝલ ફાળવવાનું રહેશે. રિટેઈલ પંપ પરથી વેચાણ: જે એકમો પાસે પોતાના કન્ઝ્યુમર ડીઝલ પંપ નથી, તેઓએ જ રિટેઈલ પંપ પરથી ખરીદી કરવાની રહેશે. સંદેશ ડિજિટલના હકારાત્મક પત્રકારત્વની જીત કચ્છના ઉદ્યોગોની આ ગંભીર સમસ્યા અંગેના સમાચાર સંદેશ ડિજિટલ દ્વારા સૌથી પહેલા પ્રસારિત કરવામાં આવ્યા હતા. આ હકારાત્મક પત્રકારત્વને કારણે જ સરકાર સુધી ઉદ્યોગોનો અવાજ પહોંચ્યો અને તાત્કાલિક સુધારો કરવામાં આવ્યો. આ સફળતા બદલ ફેડરેશન ઓફ કચ્છ ઇન્ડસ્ટ્રીઝ એસોસિએશન દ્વારા સંદેશ ડિજિટલની કામગીરીને બિરદાવવામાં આવી છે. આ પણ વાંચો - Kachchh : ખેડૂતોને 200 લીટર અને મોટા ઉદ્યોગો સહિતના ઓપરેશન માટે 1,000 લીટર ડીઝલની ફાળવણી સામે વિરોધ

Read Full Story arrow_forward

calendar_today March 27, 2026

Jagannath Templeનું રહસ્ય આવ્યું સામે,મંદિર નીચે પ્રાચીન શહેર હોવાની સંભાવના

મંદિર નીચે પ્રાચીન શહેરનો સંકેતસંશોધન દરમિયાન વૈજ્ઞાનિકોને જમીન નીચે કેટલીક ચોંકાવનારી રચનાઓ જોવા મળી છે, જેને આધારે અંદાજ લગાવવામાં આવી રહ્યો છે કે અહીં એક પ્રાચીન વસાહત રહેલી હોઈ શકે છે.આ સંશોધન બાદ પુરી શહેરના ઇતિહાસને લઈને નવા સવાલો ઉભા થયા છે. સમુદ્ર સુધી જતી ગુપ્ત સુરંગ? રિપોર્ટ્સ મુજબ સંશોધકોને એક એવી રચના પણ જોવા મળી છે. કે જેમાં મંદિરને સમુદ્ર સાથે જોડતી ગુપ્ત સુરંગ હોવાની સંભાવના છે.જો આ દાવો સાચો સાબિત થાય, તો તે ઇતિહાસ અને પુરાતત્વ માટે મોટી શોધ બની શકે છે. જોકે આ અંગે હજુ સત્તાવાર પુષ્ટિ કરવામાં નથી આવી...જેથી અને સવાલો ઉભા થયા છે. જગન્નાથ મંદિરનું ચારધામમાં મહત્વપૂર્ણ સ્થાન પુરીનું જગન્નાથ મંદિર હિંદુ ધર્મના ચારધામ યાત્રામાંથી એક મહત્વપૂર્ણ સ્થળ ગણવામાં આવે છે.દર વર્ષે હજારો શ્રદ્ધાળુઓ અહીં દર્શન માટે આવે છે,ખાસ કરીને રથ યાત્રા દરમિયાન ભક્તોની ભારે ભારે ભીડ ઉમટે છે.લોકો તાની કેટલીક મન્નતો પૂરી કરવા આવે છે આ મંદિરે. મંદિર સાથે જોડાયેલા રહસ્યો  જગન્નાથ મંદિર તેના અનેક રહસ્યો માટે પણ જાણીતું છે.મંદિર પર ફરકતી ધ્વજ હંમેશા પવનની વિરુદ્ધ દિશામાં લહેરાતી હોવાનું કહેવાય છે,જે લોકો માટે આશ્ચર્ય જગાવે છે.તેમજ દરરોજ પૂજારી 200 ફૂટથી વધુની ઊંચાઈ પર ચઢીને ધ્વજ બદલે છે. જે એક અનોખી પરંપરા માનવામાં આવે છે. વૈજ્ઞાનિકો માટે પડકારરૂપ શોધ જગન્નાથ ધામ સાથે જોડાયેલી આ નવી શોધે વૈજ્ઞાનિકોને પણ ચિંતનમાં મૂકી દીધા છે. જો મંદિર નીચે પ્રાચીન શહેર અને સુરંગ હોવાનો દાવો સાચો સાબિત થશે તો તે ભારતના ઇતિહાસમાં એક મહત્વપૂર્ણ અધ્યાય ઉમેરાશે.હાલ સમગ્ર મામલે તપાસ ચાલી રહી છે. આ પણ વાંચો:Kamada Ekadashi 2026: કામદા એકાદશીએ આ વસ્તુઓનું કરો દાન, ઘરમાં આવશે સુખ-સમૃદ્ધિhttps://sandesh.com/astrology/news/bhakti/kamada-ekadashi-2026-donate-these-things-on-kamada-ekadashi-happiness-and-prosperity-will-come-to-the-house

Read Full Story arrow_forward