Community News & Updates

Stay informed with the latest happenings, achievements, and announcements from our community.

All News

calendar_today May 6, 2026

Patan: પાટણમાં આશાસ્પદ યુવકે સિદ્ધી સરોવરમાં મોતની છલાંગ લગાવી

પાટણ શહેરમાં આવેલ સિદ્ધી સરોવરમાંથી એક મૃતદેહ તરતો હોવાની જાણ પસાર થતાં લોકોને થતાં તેમણે પાટણ નગરપાલિકાના નગરસેવકને જાણ કરી હતી. જેથી પાટણ નગરપાલિકાની ફયર બ્રિગેડની ટીમ દોડી આવી પાણીમાંથી મૃતદેહ બહાર કાઢી ઓળખ વિધી કરતા મૃતક પાટણનો જ એક આશાસ્પદ યુવક હોવાનું જાણવા મળતાં પરિવારને જાણ કરતા પરિવાર પણ દોડી આવ્યો હતો અને ભારે રોકકળ કરી મૂકી હતી. આ અંગે પરિવારે કોઈ પોલીસ ફ્રીયાદ કે પોસ્ટમોર્ટમ કરવાની ના પાડતાં મૃતદેહની અંતિમવિધિ કરવામાં આવી હતી.શહેરમાં આવેલ સિદ્ધી સરોવરમાંથી પાટણ શહેરમાંથી ગુમ એક 24 વર્ષીય યુવકનો મૃતદેહ મળી આવતા ચકચાર મચી જવા પામી હતી. જેમાં પાટણમાં રહેતો 24 વર્ષીય અમરત પ્રજાપતિ ત્રણેક દિવસથી ઘરેથી ગુમ થતાં પરિવાર ચિંતિત બન્યો હતો અને શોધખોળ હાથ ધરી હતી. તેવામાં પાટણમાં સિદ્ધી સરોવરમાં એક મૃતદેહ તરતો હોવાની જાણ સ્થાનિકોને થતાં તેમણે પાલીકાના નગરસેવકનું ધ્યાન દોરતા ભરત ભાટીયાએ તાત્કાલિક પાલીકાની ફયર બ્રિગેડની ટીમ બોલાવી મૃતદેહ પાણીમાંથી બહાર કાઢી પરિવારને જાણ કરતાં તેઓ દોડી આવ્યા હતા. અને પોતાના પુત્રના મૃત્યુ અંગે કોઈ પોલીસ ફ્રીયાદ કે પોસ્ટમોર્ટમ કરવાની ના પાડતા મૃતદેહને ઘરે લઈ જઈ અંતિમક્રિયા કરી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 6, 2026

Rajkot News: TRP ગેમ ઝોન અગ્નિકાંડની ઘટનામાં મનસુખ સાગઠિયા વિરુદ્ધ EDની કાર્યવાહી

રાજકોટના ટીઆરપી ગેમ ઝોન અગ્નિકાંડના ચકચારભર્યા કેસમાં મહત્ત્વના આરોપી એવા રાજકોટ મનપાના તત્કાલીન ટાઉન પ્લાનિંગ ઓફિસર મનસુખ સાગઠિયા અને તેમના પત્ની ભાવનાબેન સાગઠિયા વિરુદ્ધ એન્ફોર્સમેન્ટ ડિરેક્ટોરેટ (ઈડી)દ્વારા કાયદેસર આવક કરતાં રૂ.24.31 કરોડથી વધુની સંપત્તિ એકઠી કરવાના મામલામાં અત્રેની સ્પેશિયલ પીએમએલએ કોર્ટમાં પૂરક ફરિયાદ દાખલ કરવામાં આવી છે. સાગઠિયા હાલ જામીન પર મુક્ત છે. 22.71 લાખની મિલકતો કામચલાઉ ધોરણે જપ્ત ઈડીની પૂરક ફરિયાદના આધારે કોર્ટે વધુ સુનાવણી તા.24મી મેના રોજ મુકરર કરી છે.વધુમાં ઈડીએ આ પ્રકરણમાં આરોપીઓની ગોંડલ અને રાજકોટના માધાપરમાં આવેલી રૂ.22.71 લાખની મિલકતો કામચલાઉ ધોરણે જપ્ત કરી છે.અગાઉ ઈડી દ્વારા આરોપી ટાઉન પ્લાનિંગ ઓફિસર મનસુખ સાગઠિયા વિરુદ્ધ નવેમ્બર 2025માં ફરિયાદ દાખલ કરાઈ હતી અને તપાસ દરમિયાન મળી આવેલા કેટલાક વધુ અને નક્કર પુરાવાઓના આધાર પર આ વધારાની પૂરક ફરિયાદ દાખલ કરાઈ છે. ઈડીની તપાસમાં ચોંકાવનારો ખુલાસો ઈડીની તપાસમાં ચોંકાવનારો ખુલાસો સામે આવ્યો હતો કે,રાજકોટ મનપાના તત્કાલીન ટાઉન પ્લાનિંગ ઓફિસર મનસુખ સાગઠિયા અને તેની પત્ની ભાવનાબેન અને બાળકોના બેંક ખાતાઓમાં કુલ રૂ.5.57 કરોડ જમા થયા હતા.જેમાં રૂ.82.87 લાખની શંકાસ્પદ રોકડ હતી.આ સિવાય રાજકોટ હેડ પોસ્ટ ઓફિસમાં પરિવારના સભ્યોના નામે 15 જેટલી રિકરિંગ ડિપોઝિટ મળી આવી હતી. જેમાં 2015થી 2022 દરમિયાન નિયમિત રીતે રોકડ રકમ જમા કરવામાં આવતી હતી. મનસુખ સાગઠિયા વિરુદ્ધ રાજકોટ ટીઆરપી ગેમ ઝોનની ગેરકાયદેસરતાને છાવરવાનો ગંભીર આરોપ હતો અને તેની મુખ્ય બેજવાબદારી અને ભૂમિકા સામે આવી હતી.આ પણ વાંચોઃ Ahmedabad: પાંચ ફુટના અંતરે તાપમાનમાં તફાવત : શહેરના રસ્તાઓ 51 ડિગ્રીએ તપે છે ત્યારે વૃક્ષોની નીચે 15 ડિગ્રીની રાહત

Read Full Story arrow_forward

calendar_today May 6, 2026

Chotila: ચોટીલામાં ડુંગરોનાં ગેરકાયદે ખનન પર મોડી રાતે દરોડો

ચોટીલા ડુંગરની આસપાસ આવેલા ડુંગરાઓની આસપાસ આવેલ નાના ડુંગરાઓમાં મોટાપાયે ખોદકામની રાવ ઉઠી હતી. ત્યારે સોમવારે મોડી રાત્રે 2 કલાકે નાયબ કલેકટરે રેડ કરી રૂપીયા 1.50 કરોડનો મુદ્દામાલ જપ્ત કર્યો છે. ચોટીલા પંથકમાં સ્થાનીક સ્વરાજયની ચૂંટણીઓ પુરી થતા ફરી નાયબ કલેકટર એકશન મોડમાં આવી ગયા છે. ચોટીલાના ડુંગર આસપાસ નાના ડુંગરાઓમાં મોટા પાયે ગેરકાયદેસર ખનન થતુ હોવાની બાતમી મળતા ચોટીલા પ્રાંત અધીકારી એચ.ટી.મકવાણા સહિતની ટીમે સોમવારે મોડી રાત્રે ર કલાકે ચોટીલા તાલુકાના નાના કાંધાસર અને સાંગાણી વચ્ચે રેડ કરી હતી. જેમાં ડમ્પર, એકસવેટર મશીન વડે તાસનું ગેરકાયદેસર ખનન થતુ હતુ. નાયબ કલેકટરની રેડ થતા જ તેના માણસોએ ખનન કરાવનાર નાના પાળીયાદના લાલા ભીમા જોગરાણાને ફોન કરતા તેણે આ બધુ તારા માથે લઈ લેજે, મારૂ કયાંય નામ ન દેતો, અને ભાગવાનો મોકો મળે તો ડુંગર બાજુ ભાગી જજે તેમ જણાવ્યુ હતુ. તંત્રની ટીમે રૂપીયા 1.50 કરોડનો મુદ્દામાલ જપ્ત કરી હાલ ચોટીલા મામલતદાર કચેરીએ ખસેડયો છે. જયારે લાલા ભીમાભાઈ જોગરાણા અને અનીલ ઝાંપડીયા સામે ગુજરાત ખનીજ (ગેરકાયદેસર ખનન, પરીવહન અને સંગ્રહ અટકાવવા)નિયમો 2017 તથા સરકારી જમીનમાં મોટા પ્રમાણમાં ખોદકામ કરતા હોવાથી લેન્ડ ગ્રેબીંગ અને તડીપારની કાર્યવાહી હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward