Vadodara News: સગાઈ તૂટી જતાં આણંદની યુવતીએ છાણી કેનાલમાં કર્યો આપઘાતનો પ્રયાસ
વડોદરાના છાણી વિસ્તારમાં આવેલી કેનાલ પર આજે એક યુવતીએ જીવન ટૂંકાવવાનો પ્રયાસ કરતા ચકચાર મચી ગઈ હતી. મૂળ આણંદની વતની એવી આ યુવતી પોતાની સગાઈ તૂટી જવાથી ભારે માનસિક તણાવમાં હતી, જેના કારણે તેણે અંતિમ પગલું ભરવાનો નિર્ણય કર્યો હતો. જોકે, ઘટનાની જાણ થતા જ વડોદરા પોલીસ અને ફાયર બ્રિગેડની ટીમે સ્થળ પર પહોંચીને યુવતીનું સફળતાપૂર્વક રેસ્ક્યુ કર્યું હતું.યુવતી છાણી કેનાલમાં કૂદવાની હતી યુવતી છાણી કેનાલના કિનારે આપઘાત કરવાના ઇરાદે ઉભી હતી ત્યારે સ્થાનિકો કે અન્ય માધ્યમથી પોલીસને જાણ થઈ હતી. પોલીસે તાત્કાલિક ઘટનાસ્થળે પહોંચી યુવતીને સમજાવટથી રોકી રાખી હતી અને બીજી તરફ સાવચેતીના ભાગરૂપે ફાયર બ્રિગેડના જવાનોને પણ બોલાવી લીધા હતા. ફાયરના જવાનોએ કેનાલના કિનારેથી યુવતીને સુરક્ષિત રીતે પકડી પાડીને બહાર કાઢી હતી, જેના કારણે એક મોટી દુર્ઘટના ટળી હતી. ફાયર બ્રિગેડના જવાનોએ કર્યું રેસ્ક્યુ રેસ્ક્યુ બાદ પોલીસે યુવતીની પ્રાથમિક પૂછપરછ કરી હતી, જેમાં જાણવા મળ્યું હતું કે સગાઈ તૂટી જવાની સામાજિક પરિસ્થિતિથી તે ખૂબ જ વ્યથિત હતી. પોલીસે માનવતાવાદી અભિગમ દાખવી યુવતીનું કાઉન્સેલિંગ કર્યું હતું અને તેના પરિવારજનોને આણંદ ખાતે જાણ કરી વડોદરા બોલાવ્યા હતા. હાલમાં યુવતીને તેના પરિવારને સોંપવાની તજવીજ હાથ ધરવામાં આવી છે. પોલીસ અને ફાયર વિભાગની આ ત્વરિત કામગીરીની લોકોમાં પ્રશંસા થઈ રહી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
